काठमाडौं– नेपाली क्रिकेटको इतिहासमा पहिलोपटक कुनै पनि फर्म्याटमा टेस्ट राष्ट्रविरुद्ध नेपालले शृंखला नै जित हात पारेको छ । दुई पटक टी–२० र दुईपटकको एक दिवसीय विश्व च्याम्पियन वेस्टइन्डिजविरुद्धको ती खेलको सिरिजमा लगातार दुई खेल जित्दै नेपालले सिरिज नै आफ्नो हातमा पारेको हो ।
युनाइटेड अरब इमिरेट्स (यूएई)मा जारी नेपाल र वेस्टइन्डिजबीचको युनिटी कप अन्तर्गत दोस्रो खेलमा पनि जित निकाल्दै नेपालले सिरिज आफ्नो नाममा पार्यो ।
दोस्रो खेलमा नेपालले दिएको १७४ रनको चुनौतीपूर्ण लक्ष्य पछ्याउने क्रममा वेस्टइन्डिज ओभरमा अलआउट हुँदै ८३ रनमा समेटियो । पहिलो खेलमा १९ रनको जित निकालेको नेपालले दोस्रो खेलमा ९० रनको फराकिलो जित दर्ता गर्यो ।
१७४ रनको लक्ष्य पछ्याउने क्रममा वेस्टइन्डिजका तीन जना ब्याटर जेसन होल्डरले, अकिम अगस्टी र अमिल ज्याङ्गोले मात्र दोहोरो अंकमा रन बनाउन सके । होल्डरले सर्वाधिक २१ रन बनाउँदा अमिरले १९ र अकिमले १७ रन बनाए ।
नेपालका लागि आदिल आलम अन्सारीले सर्वाधिक ४ विकेट लिए । चार ओभरमा उनले २३ रन खर्चिँदै महत्त्वपूर्ण चार विकेट लिए । यस्तै कुशल भुर्तेलले ३ विकेट लिँदा करण केसीले एक विकेट लिए । दिपेन्द्र सिंह र ललित राजवंशीले एक/एक विकेट लिए ।
टस जित्दै पहिले ब्याटिङ रोजेको नेपालले निर्धारित २० ओभरमा ६ विकेट गुमाउँदै १७३ रन बनाएको हो ।
नेपालका लागि आशिफ शेख र सन्दीप जोराले अर्धशतकीय इनिङ्स खेले । खराब सुरुवात गरेको नेपालका लागि सन्दीप र आशिफले आक्रामक शतकीय साझेदारी गरेका थिए ।
जोराले ३४ बलमा अर्धशतक प्रहार गरे । त्यसक्रममा उनले ३ छक्का र तीन चौका प्रहार गरे । जोराले आउट हुनुअघि ३ चौका र पाँच छक्का प्रहार गर्दै ६३ रन बनाए ।
त्यसअघि टस जित्दै पहिले ब्याटिङ रोजेको नेपालका लागि सुरुवात खराब भए पनि आशिफले आक्रामक पारी खेल्दै बलमा ३४ बलमा अर्धशतक प्रहार गरेका थिए । उक्त क्रममा उनले ८ चौका हिर्काए । उनले ४७ बल खेल्दै २ छक्का र ८ चौका प्रहार गर्दै अविजित ६८ रन बनाए ।
कुशल भुर्तेल २ रनमा, रोहित पौडेल ३ रनमा र कुशल मल्ल सात रनमा आउट भए पनि सन्दीप जोरा र आशिफ शेखले पारी सम्हालिरहेका छन् । मल्ल रनआउट भएका हुन् भने कुशल भुर्तेल र रोहित पौडेलको विकेट वेस्टइन्डिजका कप्तान अकिल हुसैनले लिएका हुन् ।
यस्तै आदिल आलम अन्सारीले एक छक्का र एक चौकाको सहयोगमा ५ बलमा ११ रन बनाए । गुल्शन झाले रन ६ बलमा एक छक्का प्रहार गर्दै ६ रन बनाए । वेस्टइन्डिजका लागि अकिल हुसैन र कायल मायर्सले २/२ विकेट लिँदा जेदिहा ब्लादेसले एक विकेट लिए । नेपालका लागि आज कुशल भुर्तेलले चार क्याच लिए भने गुल्शन झाले २ क्याच लिए ।
पहिलो खेलमा १४८ रनको मध्यम लक्ष्य पाएको वेस्टइन्डिज १२९ रनमा सीमित भएको थियो । पहिलो पटक क्रिकेट इतिहासमा टेस्ट राष्ट्रविरुद्ध १९ रनको एतिहासिक जित नेपालले आफ्नो नाममा दर्ता गरेको थियो ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
