काठमाडौं– वर्ल्ड च्याम्पियनसिप अफ लेजेन्ड्स (डब्लुसीएल–२०२५)को सेमिफाइलनमा भारत र पाकिस्तानबीच आज खेल हुने तय थियो । तर भारतीय खेलाडी युवराज सिंह, हरभजन सिंह र शिखर धवनले पाकिस्तानविरुद्ध खेल्न अस्वीकार गरेपछि खेल रद्द भएको छ
खेल रद्द भएपछि पाकिस्तानलाई भारतसँग सेमिफाइनल खेल नखेलेरै फाइनलमा मौका मिलेको छ । अंकतालिकामा शीर्षमा रहेका कारण पाकिस्तान सिधै फाइनलमा प्रवेश गरेको हो ।
इन्डिया च्याम्पियन्स टीमका एक सदस्यले देशभन्दा माथि कुनै पनि कुरा नरहेको भन्दै पाकिस्तानविरुद्ध नखेल्ने निर्णय लिइएकोमा कुनै पछुतो नरहेको बताएका छन् । साथै उनले यदि फाइनलमै पाकिस्तान प्रतिद्वन्द्वी रहेको भए पनि आफूहरुको निर्णय त्यही हुने स्पष्ट पारेका छन् ।
भारत–पाकिस्तानबीच चलिरहेको तनावको सुरुवात जम्मू–कश्मिरको पहलगाममा भएको आतंकवादी आक्रमणदेखि भएको हो । पहलगाम आक्रमणमा पाँच जना आतंकवादीले २६ जना हिन्दू पर्यटकहरुको धर्म सोधेर, कपडा खोलेर हिन्दू हो कि होइन भन्ने जाँच गरेर गोली हानी हत्या गरेका थिए । जसमा एक जना स्थानीय मुस्लिम र एक जना इसाई पर्यटकसमेत थिए ।
त्यसपछि भारत सरकारले अप्रेशन सिन्दूरमार्फत् पाकिस्तानका आतंकवादी क्षेत्रहरुमा आक्रमण गरेको थियो । त्यसयता भारत र पाकिस्तानबीच हरेक मञ्चहरुमा विवाद रहेको छ ।
यद्यपि अन्तर्राष्ट्रिय क्रिकेटमा हाल दुवै टिमबीच सेप्टेम्बर १४ मा एसिया कप र ६ अक्टुबरमा महिला विश्वकपमा खेल तालिका छ । तर यी खेल पनि भारत पाकिस्तानविरुद्ध खेल्ने/नखेल्नेबारे निर्णय भएको छैन ।
तर एसिया कपभन्दा पहिला डब्लुसीएल–२०२५ को सेमिफाइनलमा भारतले पाकिस्तानविरुद्ध खेल्न अस्वीकार गरेको छ । यही कारण पाकिस्तान सेमिफाइनल नखेलेरै अंकतालिकामा शीर्ष रहेका कारण फाइनलमा पुगेको हो ।
इन्डिया टाइम्ससँग कुरा गर्दै भारतीय टिमका एक सदस्यले भने, ‘भलै हाम्रो अस्वीकारले फाइनल जाने बाटो बन्द भयो र पाकिस्तान पुग्यो । तर हामीलाई यो निर्णय लिएकोमा कुनै पछुतो छैन । किनकी देशभन्दा माथि कुनै पनि खेल हुन सक्दैन ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1766648928.png)
