एजेन्सी– पाहुना टोली अस्ट्रेलियाले वेस्ट इण्डिजलाई पहिलो टि ट्वान्टी आईमा पराजित गरेको छ।
जमैकामा सोमवार बिहान सम्पन्न खेलमा घरेलु टोली वेस्ट इण्डिजमाथि ३ विकेटको जित हासिल गरेको हो।
जितसँगै पाहुना टोली अस्ट्रेलियाले पाँच खेलको सिरिजमा १-० को अग्रता बनाएको छ। १ सय ९० रनको लक्ष्य अस्ट्रेलियाले १८.५ ओभरमा ७ विकेट गुमाएर पूरा गर्यो।
अस्ट्रेलियाको जितमा क्यामरन ग्रीन र मिचेल ओविनले अर्धशतक बनाए। ग्रीनले २६ बलमा २ चौका र ४ छक्काको सहयोगमा ५१ रन बनाए। ग्रीनले ओविनसँग पाँचौ विकेटका लागि ८० रनको सानदार साझेदारी गरे।
ओविन २७ बलमा ६ छक्काको सहयोगमा ५० रनमा आउट भए। ओविनको यो टि ट्वान्टी आईमा डेब्यु खेल रहेको थियो। कप्तान मिचेल मार्श १७ बलमा २४, जोस इङ्ग्लिस १८ र कपर कोनेली १३ रनमा आउट भए।
वेस्ट इण्डिजका लागि अल्जारी जोसेफ, गुणकेस मोटी र जेसन होल्डरले समान २ तथा अकिल हुसेनले १ विकेट लिए।
त्यसअघि टस हारेर ब्याटिङको निम्तो पाएको घरेलु टोलीले निर्धारित २० ओभरमा ८ विकेट गुमाएर १ सय ८९ रनको योगफल तयार गरेको थियो।
वेस्ट इण्डिजका लागि कप्तान शाइ होप र रोस्टन चेसले अर्धशतक बनाए। चेसले ३२ बलमा ९ चौका र २ छक्काको सहयोगमा सर्वाधिक ६० रन जोडे। कप्तान होपले ३९ बलमा ४ चौका र ३ छक्काको सहयोगमा ५५ रन जोडे।
शिमरन हिटमायर १९ बलमा ३८ तथा ओपनर ब्राण्डन किंग १८ रनमा आउट भए। राम्रो सुरुवात गरेको वेस्ट इण्डिज पछिल्लो क्रममा खराब ब्याटिङ गर्दा बिशाल योगफल बनाउँने अबसर गुमायो। उसले पछिल्लो ५ ओभरमा ३७ रन जोड्दा महत्वपुर्ण ६ विकेट गुमायो।
अस्ट्रेलियाका लागि बेन ड्वारशुसले ४ तथा सन एबट, कपर कोलाइन, नाथन एलिस र मिचेल ओवेनले समान १ विकेट लिए। यसअघि भएको तीन खेलको टेस्ट सिरिजमा अस्ट्रेलियाले क्लिन स्विप गरेको थियो। दुई देशबीचको दोस्रो टि ट्वान्टी आई खेल आगामी बुधवार रहेको छ।
दोस्रो टि ट्वान्टी आई खेल वेस्ट इण्डिजका अलराउण्डर आन्द्रे रसलको भने अन्तिम अन्तर्राष्ट्रिय खेल रहने छज
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1773643707.png)
-1764146706.png)
