एजेन्सी – भारतमा जारी इण्डियन प्रिमियर लिग(आइपिएल) २०२५ को पहिलो क्वालिफायरमा स्थान बनाउँन मुम्बई इण्डियन्सले पञ्जाब किंग्सको सामना गर्दैछ।
पञ्जाब र मुम्बईबीचको खेल राजस्थानको सवाइमान सिंह क्रिकेट स्टेडियममा सोमबार बेलुका ७ः४५ मा सुरु हुदैछ। प्लेअफमा स्थान पक्का गरिसकेका दुवै टोलीको आजको खेलले पहिलो क्वालिफायरमा स्थान बनाउँन एक टोलीको निश्चित गर्नेछ।
यस खेलमा पराजित हुने टोलीले भने इलिमिनेटरमा खेलका लागि स्थान पक्का गर्नेछन्। मुम्बई लिगको सुरुवाती ५ खेलमा १ मा जित हात पारेर अगाडीको यात्रा असहज बनाएको थियो। तर, पछिल्लो ८ मध्ये ७ खेलमा जित हात पारेर असहज देखिएको प्लेअफ यात्रा सहज बनाएको थियो।
सन् २०२४ को संस्करणमा हार्दिक पाण्ड्याको कप्तानीमा मुम्बईले लिगको अन्तिम स्थान लिएको थियो। तर, यस संस्करणमा प्लेअफमा स्थान बनाएको छ। उता, पञ्जाबले ११ वर्ष पछि प्लेअफमा स्थान बनाएको हो। सन् २०१४ मा उपबिजेता बन्नु नै पञ्जाबको उच्च नतिजा हो।
पञ्जाब र मुम्बईले हालसम्म ३२ खेल खेलेका छन्। जसमा १७ खेल मुम्बईले तथा १४ खेल पञ्जाबले जितेका छन्। दुईबीचको पछिल्लो खेलमा भने मुम्बई ९ रनले विजयी भएको थियो। प्लेअफमा स्थान बनाउँने ४ टोलीको निश्चितता भइसक्दा पहिलो क्वालिफायर र इलिमिनेट खेल्ने टोलीको निश्चितता भईसकेको छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
