कोलकाता माथि हैदरावादको सानदार जित, क्लासेनको विस्फोटक शतक

क्रिकेट

नेपाल लाइभ सोमबार, जेठ १२, २०८२ ०७:०२

काठमाडौं – इन्डियन प्रिमियर लिग (आईपीएल)मा सनराइजर्स हैदरावादले कोलकाता नाइट राइडर्सलाई ११० रनको फराकिलो अन्तरले हराएको छ । सनराइजर्सले दिएको २७९ रनको विशाल लक्ष्य पछ्याएको कोलकाता ८ बल बाँकी रहँदा सम्पूर्ण विकेट गुमाउँदै १६८ रनमा सीमित भएको हो ।

हैदरावादलाई शानदार जित दिलाउने क्रममा हेनरिक क्लासेनले अविजित रहँदै ३९ बलमा १०५ रनको विस्फोटक शतकीय पारी खेले । उनले ३७ बलमा शतक पुरा गरेका थिए । यो आईपीएलमा तेस्रो छिटो शतक हो ।

केलकाताका लागि मनिस पाण्डेले २३ बलमा ३७ तथा हर्षित रानाले २१ बलमा ३४ रन प्रहार गरे । सुनिल नारायणले १६ बलमा ३४ रन जोडे । हैदरावादका जयदेव उन्नाकदले चार ओभरमा २४ रन खर्चेर तीन, एसन मालिङ्गाले ३.४ ओभरमा ३१ रन खर्चेर तीन तथा हर्स दुबेले चार ओभरमा ३४ रन खर्चेर तीन विकेट लिए ।
यसअघि टस जितेर पहिले ब्याटिङ गरेको हैदरावादले तीन विकेटको क्षतिमा २७८ रन जोडेको हो । क्लासेनका संगै ट्रेभिस हेडले ४० बलमा ७६ तथा अभिषेक शर्माले १६ बलमा ३२ रन जोडे । अङ्कित वर्माले अविजित रहँदै ६ बलमा १२ रन प्रहार गरे । भने इशान किसनले २० बलमा २९ रन जोडे ।

यो स्कोर आईपीएल इतिहासमा तेस्रो ठुलो स्कोर हो । गत सिजन हैदरावादले नै बंगलोरुविरुद्ध पाँच विकेटको क्षतिमा २८७ रन बनाएको थियो । यसै सिजनको सुरुवातमा हैदरावादले नै राजस्थान रोयल्ससँगको खेलमा ६ विकेटको क्षतिमा २८६ रन बनाएको थियो ।
जितपछि हैदरावादले १३ अङ्कसहित प्रतियोगिताको अन्त्य गरेको छ । हैदरावाद छैटौँ स्थानमा रहेको छ भने केलकाता १२ अङ्क सहित आठौँ स्थानमा छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

साँढेको जुधाइमा परेर स्कुटर चालकको मृत्यु

राजावादीका गतिविधि जनविरोधी हुन् : शंकर पोखरेल

वडा कार्यालय बनाउन ललित तामाङद्वारा निः शुल्क जग्गादान