प्रतियोगिताबाट बाहिरिसकेको दिल्लीले पञ्जाबलाई ६ विकेटले हरायो

क्रिकेट

नेपाल लाइभ आइतबार, जेठ ११, २०८२ ०७:०२

काठमाडौँ –इन्डिएन प्रिमियर लिग (आईपीएल) अन्तर्गत दिल्ली क्यापिटल्सले पञ्जाब किंग्सलाई ६ विकेटले पराजित गरेको छ । शनिबार जयपुरमा खेलिएको यस खेलमा पञ्जाबले श्रेयस अय्यरको अर्धशतकीय पारीको मद्दतले २० ओभरमा ६ विकेट गुमाउँदै २०६ रन बनाएको थियो ।

जवाफमा दिल्लीले १९.३ ओभरमा चार विकेट गुमाउँदै २०८ रन बनायो र खेल जित्यो । पञ्जाबका लागि हरप्रीत ब्रारले दुई विकेट लिए भने मार्को जानसेन र प्रवीण दुबेले एक÷एक विकेट लिए ।

दिल्लीले यस जितसँगै यस सिजनको आफ्नो अभियान समाप्त गरेको छ । यो सँगै पञ्जाबको शीर्ष–२ मा रहने आशामा धक्का लागेको छ । हाल, टोली १३ खेलमा आठ खेल जितेर १७ अंकसहित दोस्रो स्थानमा छ । अब पन्जाबले मे २६ (सोमबार) मा मुम्बई इन्डियन्सको सामना गर्नेछन् । दिल्ली पाँचौं स्थानमा छ । गुजरात टाइटन्स १८ अंकसहित शीर्ष स्थानमा छ भने आरसीबी र मुम्बई क्रमशः १७ र १६ अंकसहित तेस्रो र चौथो स्थानमा छन् ।

केएल राहुल र फाफ डु प्लेसिसको उत्कृष्ट ब्याटिङको माध्यमबाट दिल्लीले लक्ष्य पछ्याउन राम्रो सुरुवात गरेको थियो । पहिलो विकेटको लागि दुवै बीच ५५ रनको साझेदारी भएको थियो, जुन मार्को जानसेनले तोडेका थिए । उनले केएल राहुललाई शशांक सिंहको हातबाट क्याच गराए । २१ बलमा ६ चौका र १ छक्काको मद्दतले ३५ रन बनाएर उनी आउट भए भने हरप्रीत ब्रारले डु प्लेसिसलाई पभेलियनको बाटो देखाए । उनी २३ रन बनाएर फर्किए । यसपछि सेदिकुल्लाह अटल पनि २२ रन बनाएर आउट भए । करुण नायरलाई समीर रिजवीले समर्थन गरे ।

दुवैले ३० बलमा ६२ रन जोडे । तर, नायर आफ्नो अर्धशतक पूरा गर्नुअघि नै आउट भए । उनले ४४ रन बनाए । यसपछि, ट्रिस्टन स्टब्स र समीर रिजवीले टोलीलाई जित दिलाए । यी दुईले ५३ रनको अविजित साझेदारी गर्दै दिल्लीलाई पञ्जाबमाथि विजय हासिल गर्न मद्दत गरे। रिज्वी ५८ र स्टब्स १८ रनमा अविजित रहे ।

यसअघि, अय्यरले ३४ बलमा ५३ रन बनाए भने स्टोइनिसले आफ्नो विस्फोटक इनिङमा चार छक्का र तीन चौका प्रहार गर्दै पञ्जाबलाई २०० रनको आँकडा पार गराएका थिए ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

हात्ती सफारी व्यवस्थित गर्न माहुतेलाई प्रशिक्षण

जङ्गली च्याउ खाँदा इलाम माङसेबुङमा दुई जनाको मृत्यु

देउवाले बोलाए पदाधिकारी बैठक