हैदराबादले बेंगलुरुलाई ४२ रनले हरायो, ईशान किशनको उत्कृष्ट ब्याटिङ

क्रिकेट

नेपाल लाइभ शनिबार, जेठ १०, २०८२ ०७:१३

काठमाडौँ – इन्डियन प्रिमियर लिग (आईपीएल) क्रिकेटको ६५औं खेलमा रोयल च्यालेन्जर्स बेंगलुरु (आरसीबी) प्लेअफबाट बाहिरिइसकेको सनराइजर्स हैदराबाद संग ४२ रनले पराजित भएको छ ।

लखनऊको इकाना स्टेडियममा आरसीबीले टस जितेर पहिला बलिङ गर्ने निर्णय गरेको थियो । हैदराबादले २० ओभरमा ६ विकेट गुमाउँदै २३१ रन बनायो ।

जवाफी पारीमा बेंगलुरुको टोली १९.५ ओभरमा १८९ रनमा अलआउट भयो । बेंगलुरुका लागि फिल सल्टले ६२ र विराट कोहलीले ४३ रन बनाए ।

हैदराबादका कप्तान प्याट कमिन्सले ३ विकेट लिए भने हर्षल पटेल र ईशान मलिंगा दुवैले २–२ विकेट लिए । हैदराबादका तर्फबाट ईशान किशनले ४८ बलमा अविजित ९४ रनको विस्फोटक पारी खेले ।

उनले ७ चौका र ५ छक्का प्रहार गरे । किशनबाहेक अभिषेक शर्माले ३४, अनिकेत वर्माले २६ र हेनरिक क्लासनले २४ रन बनाए । रोमारियो शेफर्डले २ विकेट लिएका थिए । आईपीएलमा आज पन्जाब किङ्स र दिल्ली क्यापिटल खेल्दैछन् ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

भारतमा कोरोना संक्रमित बढ्दै , यस्ता छन् पुरानो भेरियन्टसँग मिल्दोजुल्दो लक्षणहरू

नागढुङ्गा–नौबिसे सडक दैनिक साढे चार घण्टा बन्द हुने

कांग्रेसकै लागि सच्चा त्याग र समर्पण गर्ने व्यक्तिहरू नगण्य छन् : सभापति देउवा