काठमाडौं– नेपाली कांग्रेसका प्रवक्ता प्रकाशरण महतले सत्तामा नहुँदा तल्ला तहका नेता कार्यकर्ताको स्वाभाविक गुनासो हुने गरेको बताएका छन् ।
दाङमा पार्टीका कार्यकर्ता भेटघाटमा प्रवक्ता महतले भने, ‘सत्तामा नहुँदा साथीहरुले असुरक्षित महसुस गर्ने भए, पुलिस प्रशासनलाई जायज कुरा भन्यो भने पनि टेरपुच्छर नलगाउने, अब सत्तामा हुँदा पनि हामीले भनेको जस्तो हुँदैन । त्यसैले असन्तुष्टि भइरहेका छन् ।’
यस्तै उनले गठबन्धन सरकार सञ्चालन गर्न सहज नभएको बताएका छन् । माओवादीसँग कांग्रेस र एमाले दुवैको सहकार्य राम्रो नभएपछि बाध्य भएर मिल्न परेको सुनाए ।
उनले भने, ‘गठबन्धन भन्नेबित्तिकै सरकार सञ्चालन गर्न त्यति सजिलो हुँदैन । चलिरहेको छ । हामीले सोचेअनुसार सबै कुरा हुँदैन । हामीले भनेको सय प्रतिशत नभए पनि ५० प्रतिशत त होला भनेरै सहकार्यमा छौं । हुँदै नहुनुभन्दा त ५० प्रतिशत भएमात्रै पनि हुनु सही । सके ६० प्रतिशत गरौंला ।’
उनले सत्ता गठबन्धनमा भए पनि सरकारी नियुक्तिमा समान हुनुपर्ने र समन्वय हुनुपर्ने भए पनि पछिल्लो समय नभइरहेको बताए ।
प्रवक्ता महतले विद्युत प्राधिकरणमा एमालेको प्रस्तावलाई स्वीकार गरेकाले राष्ट्र बैंकको गभर्नर कांग्रेसले पाउनुपर्ने बताए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
