चेन्नाईलाई हैदरावादले ५ विकेटले हरायो

क्रिकेट

नेपाल लाइभ शनिबार, वैशाख १३, २०८२ ०६:५९

काठमाडौं – इन्डियन प्रिमियर लिग (आईपीएल)मा सन राइजर्स हैदरावादले चेन्नई सुपर किङ्सलाई उसैको मैदानमा हराएको छ ।

शुक्रबार कामिन्डु मेन्डिस, हर्सल पटेल र इशान किसनको सानदार प्रदर्शन गरेको खेलमा हैदरावाद चेन्नईविरुद्ध पाँच विकेटले विजयी भएको हो । पहिलो पटक चेन्नईका लागि खेली रहेका डेवाल्ड ब्रेभिस र टोलीका कान्छा खेलाडी आयुष माथ्रेले भने राम्रो प्रदर्शन गरे ।

हैदरावादले चेन्नईले दिएको १५५ रनको लक्ष्य ८ बल बाँकी रहँदा पाँच विकेटको क्षतिमा पूरा गरेको हो । हैदरावादका इशान किसनले ४४ रन जोडे भने मेन्डिसले अविजित रहँदै २२ बलमा ३२ रनको योगदान गरे ।

चेन्नईका लागि नुर अहमदले चार ओभरमा ४२ रन खर्चेर दुई विकेट लिए भने अन्सुल खम्बुजले ३ ओभरमा १६ रन खर्चेर एक विकेट हात पारे ।

यसअघि टस हारेर पहिले ब्याटिङ गरेको चेन्नई एक बल बाँकी रहँदा सम्पूर्ण विकेट गुमाउँदै १५४ रनमा सीमित भएको थियो । उसका लागि ब्रेभिसले ४२ तथा माथ्रेले ३० रन जोडे । अन्य ब्याट्सम्यानले उल्लेख्य रन जोड्न सकेनन् ।

हैदरावादका पटेलले चार ओभरमा २८ रन खर्चेर चार विकेट हात पारे । उनी प्लेयर अफ द म्याच बने । विजयी हैदरावाद ६ अङ्कसहित आठौँ स्थानमा छ भने पराजित चेन्नई चार अङ्कसहित पुछारमा छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

प्रधानमन्त्री ओली लुम्बिनीमा

नेपाल सुपर लिगको उपाधिका लागि ललितपुर र पोखरा भिड्दै

सरकार र शिक्षक बिचकाे वार्ता बिना निष्कर्ष टुंगियो, आन्दोलन जारी रहने