काठमाडौं–अघिल्ला तीन कारोबार दिन लगातार बढेको सेयर बजार आइतबार घटेको छ।
यस दिन नेप्से १६.२१ अंकले गिरावट हुँदै २७०६.१८ विन्दुमा रोकिएको हो।
बजार खुलेदेखि निरन्तरजसो घटिरह्यो। बैंकहरूले आजै सार्वजनिक गरेको तेस्रो त्रैमासिक वित्तीय विवरण कमजोर देखिएपछि लगानीकर्ता सशंकित बनेका हुन्। बैंकहरूको नाफा सामान्य १.४ प्रतिशत बढेको छ।
आज नेपाल माइक्रो इन्स्युरेन्स कम्पनी लिमिटेड र क्रेट माइक्रो लाइफ इन्स्युरेन्स कम्पनीको सेयर मूल्य सकारात्मक सर्किट लागेको हो। यता, बलेफी हाइड्रो पावर लिमिटेडले सबैभन्दा बढी गुमाएको छ।
आज कूल ५३ कम्पनीको सेयर मार्केट बढ्दा १९२ कम्पनीको सेयर मूल्यमा गिरावट आएको छ। एक कम्पनीको सेयर मूल्य स्थिर भएको छ।
५३ कम्पनीको मूल्य बढ्दा १९२ को घट्यो भने एउटाको स्थिर रह्यो। बैंकिङ, विकास बैंक, फाइनान्ससहित अधिकांश सेक्टर घटेका छन्। बैंकिङ ०.७०, विकास बैंक ०.७९, फाइनान्स १.२७, होटल तथा पर्यटन १.३६, हाइड्रोपावर १.२२, जीवन बीमा ०.८७, लगानी ०.०६, माइक्रोफाइनान्स ०.५४, निर्जीवन बीमा ०.२२ र अन्य १.०३ प्रतिशत घटे।
व्यापार १.०२ र उत्पादन ०.५२ प्रतिशत बढे। दुई कम्पनीको मूल्य १० प्रतिशत बढेको छ। नेपाल माइक्रो इन्स्योरेन्स र क्रेस्ट माइक्रोलाइफ इन्स्योरेन्सको मूल्य १० प्रतिशत बढेको हो। यी दुवै कम्पनी बजारमा हालै सूचीकृत भएर कारोबार भएकाले केही दिनयता मूल्य १० प्रतिशत बढ्ने क्रम जारी छ।
त्यस्तै कर्पोरेट डेभलपमेन्ट बैंकको ७.४९, बोटलर्स नेपाल बालाजुको ६.११, राधि विद्युतको मूल्य ५.९३ प्रतिशत बढ्यो। हिमालयन पावर पार्टनरको मूल्य सबैभन्दा धेरै ७.३३ प्रतिशत घट्यो। बलेफी हाइड्रोपावरको ७.२७, सप्तकोशी विकास बैंकको ४.९८ प्रतिशत मूल्य घट्यो।
रकमका आधारमा धेरै कारोबार भएका पाँच कम्पनीमा क्रमशः राधि विद्युत्, बलेफी हाइड्रोपावर, ङादी ग्रुप पावर, निफ्रा र सानिमा माइ हाइड्रोपावर कम्पनी छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
