ला लिगामा बार्सिलोना विजयी

क्रिकेट

नेपाल लाइभ आइतबार, वैशाख ७, २०८२ ०७:०४

काठमाडौं – स्पेनिस ला लिगा अन्तर्गत गएराति भएको खेलको बार्सिलोना विजयी भएको छ । इन्जुरी समयमा राफिन्हाले गरेको पेनाल्टी गोलमा बार्सिलोनाले सेल्टा भिगोलाई ४–३ ले हराएको हो । राफिन्होको गोलसँगै खेल सकिएको थियो ।

खेलको १२ औँ मिनेटमा फेरान टोरेसले बार्सिलोनालाई अग्रता दिलाए पनि बोजाए इग्लेसियासले ह्याट्रिक गरेपछि ६३ औँ मिनेटसम्म सेल्टाभिगो ३–१ ले अगाडि थियो ।
खेलको ६४ औँ मिनेटमा डानी अल्मोले गोल गरेको खेलमा ६८ औँ मिनेटमा राफिन्हाले बराबरी गोल गरेका थिए ।

स्पेनिस ला लिगामा शनिबार भएका अन्य खेलमा एट्लेटिको म्याड्रिडलाई लास पल्मासले १–० ले हराएको छ। रायो भल्कानो र भ्यालेन्सियाको खेल १–१ तथा मालोर्का र लेगानेसको खेल गोलरहित बराबरीमा सकिएको छ ।

तालिकामा शीर्ष स्थानमा रहेको बार्सिलोनाको ७३ तथा तेस्रो स्थानमा रहेको एट्लेटिकोको ६३ अङ्क छ । एक खेल कम खेलेको रियल म्याड्रिड ६६ अङ्कसहित दोस्रो स्थानमा छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

छुट्टाछुट्टै दुर्घटनामा दुई जनाको मृत्यु, तीन घाइते

सपना देख्न सक्ने र त्यो सपना पूरा गर्न सक्ने जनशक्ति कर्णालीमा छ – मन्त्री यादव

गाडीको ठक्करबाट पैदलयात्रीको मृत्यु