काठमाडौँ –शिक्षक महासंघले भोलि (आइतबार) गर्ने प्रदर्शनको समय सारेको छ।
राजावादीहरूले प्रदर्शन गर्ने भएपछि शिक्षकहरूले आफ्नो प्रदर्शनको समय सारेका छन्। हरेक दिन बिहान ११ बजेदेखि प्रदर्शन गर्दै आएका शिक्षकहरूले भोलि बिहान ९ बजेदेखि दिउँसो १२ बजेसम्मका लागि तय गरेका हुन् ।
नेपाल शिक्षक महासंघका महासचिव तुला बहादुर थापाले भोलिको राप्रपाले गर्ने प्रदर्शनलाई मध्यनजर गर्दै बिहानका लागि सारिएको बताए ।
‘भोलिको परिस्थितिलाई मध्यनजर गरेर समय परिवर्तन गरेका छौं,थापाले भने, ‘९ देखि १२ सम्म आन्दोलन गर्छौं । हाम्रो आन्दोलन शान्तिपूर्ण हुन्छ ।’
महासंघले आवश्यक परेको खण्डमा भोलिको आन्दोलन अझै छाेट्याउन सकिने मनसाय बनाएको छ।
´उनीहरूको (राजावादी) आन्दोलन हिंसात्मक भएर हाम्रो प्रदर्शन घुसपैठ भयो भने अहिलेसम्मका उपलब्धि समेत गुम्न सक्ने खतरा हुन्छ। त्यसैले आवश्यक परेको खण्डमा प्रदर्शन अझै छाेट्याउन सकिन्छ,` महासचिव थापाले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
