काठमाडौं– यु-१९ विश्वकप एसिया छनोटमा अफगानिस्तानले हङकङलाई ८ विकेटको फराकिलो अन्तरमा हराएको छ। अफगानिस्तानको यो लगातार दोस्रो जित हो।
तल्लो मुलपानीमा भएको खेलमा जितको लागि ७१ रनको अत्यन्त सामान्य लक्ष्य अफगानिस्तानले १४.२ ओभरमा मात्र २ विकेटको नोक्सानीमा पूरा गर्यो।
अफगानिस्तानको सहज जितमा खालिद अहमदजाईले अविजित ३० रन बनाए। मेहबुब खान अविजित २२ रनमा रहे। यस्तै फैजल खानले १३ रन बनाए। बलिङमा ड्यानियल मोर्गानले २ विजेट लिए।
त्यसअघि टस जितेर पहिले ब्याटिङ गरेको हङकङ ४६.२ ओभरमा अल आउट हुँदै मात्र ७० रनमा समेटियो। हङकङ अफगानिस्तानका बलर सामु अत्यन्त निरिह बन्यो।
प्रित किशोर कुमार मङ्गुकियाले सबैभन्दा बढी १४ रन र जुड लि थोमसले १३ रन जोडे। यी दुई बाहेक अन्यले दोहोरो अंकमा रन छुन सकेनन्।
बलिङमा हाफिजुल्लाह जद्रानले ८ ओभर २ बलमा २ मेडन सहित १६ रन दिएर ३ विके झारे। नुरूस्तानी ओमाराजीले २ विकेट लिए ।
लगातारको दोस्रो जितमा अफगानिस्तानले ४ अंक बनाएको छ। हङकङले पहिलो खेलमा निराशाजनक प्रदर्शन गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787798469.jpg)
-1786602170.png)
-1789631269.jpg)
