काठमाडौं– दिल्ली क्यापिटल्सले इण्डियन प्रिमियर लिग(आइपिएल) मा चेन्नई सुपर किंग्सलाई हराउँदै लगातार तेस्रो जित हासिल गरेको छ ।
शनिबार सम्पन्न खेलमा दिल्लीले चेन्नईमाथि २५ रनको जित हात पारेको हो । दिल्लीले सन् २०१० पछि चेन्नईलाई उसकै घरेलु मैदानमा हराएको हो ।
चेन्नईको यस सिजन घरमा यो लगातार दोस्रो हार हो । दिल्लीले दिएको १ सय ८४ रनको लक्ष्य पछ्याएको चेन्नईले निर्धारित २० ओभरमा ५ विकेट गुमाएर १ सय ५८ रन मात्र बनायो ।
चेन्नईका लागि विजय शंकरले ५४ बलमा ५ चौका र १ छक्काको सहयोगमा नट आउट रहँदै सर्वाधिक ६९ रनको अर्धशतकीय इनिङ खेले ।
शिभम दुवे १५ बलमा १ चौका र १ छक्काको सहयोगमा १८ रनमा आउट भए । डेभोन कन्वे १३, रचिन रविन्द्र ३, कप्तान ऋतुराज गायकवाड ५ तथा रविन्द्र जडेजा २ रनमा आउट भए ।
छैठौं विकेटका लागि महेन्द्रसिंह धोनी र शंकरले ८४ रनको नट आउट साझेदारी गरे । धोनीले २६ बलमा १ चौका र १ छक्काको सहयोगमा ३० रनमा नट आउट रहे । दिल्लीका लागि भिपराज निगमले २ तथा मिचेल स्टार्क, मुकेश कुमार र कुलदिप यादवले समान १ विकेट लिए ।
त्यसअघि चेन्नईको घरेलु मैदान एमए चिदम्बरम अन्तर्राष्ट्रिय क्रिकेट स्टेडियममा टस जितेर ब्याटिङ गरेको दिल्लीले निर्धारित २० ओभरमा ६ विकेट गुमाएर १ सय ८३ रनको योगफल तयार गरेको थियो ।
दिल्लीका लागि ओपनर केएल राहुलले ५१ बलमा ६ चौका र ३ छक्काको सहयोगमा सर्वाधिक ७७ रनको अर्धशतकीय इनिङ खेलेका थिए । दिल्लीले रनको खाता नखोल्दै पहिलो ओभरमा नै ओपनर जेक फ्रेजर मगर्कलाई गुमाएको थियो । दोस्रो विकेटका लागि राहुल र अभिषेक पोरेलले ५४ रनको साझेदारी गर्दै टिमलाई बलियो स्थितीमा पुर्याएका थिए ।
पोरेलले २० बलमा ४ चौका र १ छक्काको सहयोगमा ३३ रन जोडेका थिए । तेस्रो विकेटका लागि कप्तान अक्षर पटेलले राहुलसँग मिलेर ३६ रनको साझेदारी गरेका थिए । कप्तान पटेल १४ बलमा १ चौका र २ छक्काको सहयोगमा २१ रनमा आउट भएका थिए ।
चौथो विकेटका लागि समिर रिज्भीले राहुलसँग मिलेर ५६ रनको साझेदारी गरेका थिए । रिज्भीले १५ बलमा १ चौका र १ छक्काको सहयोगमा २० रन जोडेका थिए । पाँचौ विकेटका लागि ट्रिस्टन स्टब्सले राहुलसँग मिलेर ३३ रनको साझेदारी गरेका थिए । स्टब्स १२ बलमा २ चौका र १ छक्काको सहयोगमा २४ रनमा अविजित रहेका थिए ।
चेन्नईका लागि खलिल अहमदले २ तथा मथिशा पथिराना, रविन्द्र जडेजा र नुर अहमदले समान १ विकेट आफ्नो नाममा गरेका थिए ।
दिल्लीले ३ खेलमा ६ अंकका साथ शीर्ष स्थानमा उक्लिएको छ ।पहिलो खेलमा लखनउ सुपर जायन्ट्सलाई पराजित गरेको दिल्लीले दोस्रो खेलमा सनराइजर्स हैदराबादलाई हराएको थियो ।
उता, चौथो खेल खेलेको ५ पटकको च्याम्पियन चेन्नईको २ अंकका साथ आठौं स्थानमा रहेको छ । चेन्नईले सिजनको पहिलो खेलमा मुम्बई इण्डियन्सलाई पराजित गरेको थियो ।
त्यसपछिका दुई खेलमा भने चेन्नई पराजित भएको थियो । दोस्रो खेलमा रोयल च्यालेन्जर्स बेंगलुरुसँग र तेस्रो खेलमा राजस्थान रोयल्ससँग चेन्नई पराजित भएको थियो ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788705448.jpeg)
-1786602170.png)
-1786513116.png)
-1788425345.png)
