आरसिबीलाई गुजरातले आठ विकेटले हरायो, सिराजको घातक बलिङ

क्रिकेट

नेपाल लाइभ बिहीबार, चैत २१, २०८१ ०७:०३

काठमाडौं – जारी इन्डियन प्रिमियर लिग (आईपीएल) अन्तर्गत गुजरात टाइटानले सानदार जित निकालेको छ । बुधबार राति भएको खेलमा रोयल च्यालेन्जर बंग्लोरु (आरसिबी)लाई गुजरातले ८ विकेटले हराएको हो । १७० रनको लक्ष्य पाएको गुजरातले १३ बल बाँकी रहँदा २ विकेटको क्षतिमा १७० बनाउँदै लक्ष्य पूरा गरेको थियो ।

गुजरातका लागि जोस बटलरले अविजित रहँदै ३९ बलमा ७३ रन जोडे । उनको पारीमा ५ चौका र ६ छक्का थियो । सेरफान रुदरफोर्डले अविजित १८ बलमा ३० रन जोडे । साइ सुदर्शन अर्धशतक बनाउन एक रनले चुके । उनले ३६ बलमा ७ चोका र एक छक्काको मद्दतमा ४९ रन जोडे । बंग्लोरुका लागि भुवनेश्वर कुमारले चार ओभरमा २३ रन खर्चेर एक विकेट लिए ।

यसअघि टस हारेर पहिले ब्याटिङ गरेको बंग्लोरुले ८ विकेटको क्षतिमा १६९ रन जोडेको हो । बंग्लोरुले ६.२ ओभरमा ४२ रनमा चौथो विकेट गुमाइसकेको थियो । बंग्लोरुलाई सस्तोमा समेट्ने क्रममा मोहम्मद सिराजले चार ओभरमा १९ रन खर्चेर तीन विकेट लिए ।
मध्य क्रममा बंग्लोरुलाई खुलेर खेल्न रोकेका साइ किशोरले चार ओभरमा २२ रन खर्चेर दुई विकेट लिए । प्रसिद्ध कृष्णले ४ ओभरमा दुई रन खर्चेर एक विकेट लिए । बंग्लोरुका लागि पाँचौँ क्रममा ब्याटिङ गरेका लियाम लिभिङ स्टोनले ५४, छैटौँ क्रममा जितेस शर्माले ३३ तथा आठौँ क्रममा टिम डेभिडले १८ बलमा ३२ रन जोडे। सिराज खेलको प्लेयर अफ द म्याच घोषित भए ।

यो हार संगै बंग्लोरु चार अंकसहित तालिकाको तेस्रो स्थानमा पुगेको छ । गुजरात समान अंकका साथ चौथो स्थानमा छ । पन्जाब किङ्स चार अङ्क सहित पहिलो तथा दिल्ली क्यापिटल दोस्रो स्थानमा छन् । पन्जाब र दिल्लीले दुई खेल मात्र खेलेका छन् भने अन्य टोलीले तीन खेल खेलिसकेका छन् । आईपिएलमा आज कोलकाता नाइड राइडर र सनराइजर हैदराबाद खेल्दैछन् ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

चिठी आदानप्रदान हुन छाडेपछि गोरखाका २१ अतिरिक्त हुलाक कार्यालय बन्द

भीमफेदी डढेलोमा जलेर एक जनाको मृत्यु

हैदराबादविरुद्ध कोलकाताको बलियो योगफल