काठमाडौं – मिचेल स्टार्कको ५ विकेट तथा फाफ डुप्लेसको अर्धशतकमा दिल्ली क्यापिटल्सले इन्डियन प्रिमियर लिग (आईपीएल)मा लगातार दोस्रो जित निकालेको छ।
आइतबार विशाखापटनममा भएको खेलमा दिल्लीले सनराइजर्स हैदराबादलाई ७ विकेटले हराएको हो।
१६४ रनको लक्ष्य दिल्लीले १६ ओभरमा ३ विकेटको क्षतिमा पूरा गर्यो।
ओपनर फाफ डुप्लेसीले ५० रन बनाउँदा जेक फ्रेजर मेगर्कले ३८ तथा अभिषेक पोरेलले अविजित ३४ रन बनाए। ट्रिस्टन स्टब्स २१ रनमा अविजित रहे। केएल राहुलले १५ रन बनाए।
त्यसअघि टस हारेर पहिले ब्याटिङ गरेको हैदराबादले ८ बल अगावै अलआउट हुँदै १६३ रन बनाएको थियो। अनिकेत वर्माले सर्वाधिक ७४ रन बनाएका थिए। हेनरिच क्लासेनले ३२ र ट्राभिस हेडले २२ रन बनाए।
दिल्लीका मिचेल स्टार्कले ५ विकेट लिए भने कुलदीप यादवले ३ र मोहित शर्माले १ विकेट लिए।
योसँगै दिल्लीले २ खेलमा ४ अंक जोडेको छ। लगातार दोस्रो हार बेहोरेको हैदराबादको ३ खेलमा २ अंक छ।
दिल्ली २ खेलमा ४ अंकका साथ तालिकाको दोस्रो स्थानमा छ। दिल्लीले पहिलो खेलमा लखनउमाथि रोमाञ्चक जित निकालेको थियो।
हैदराबादको यो लगातार दोस्रो हार हो। पहिलो खेलमा राजस्थानलाई हराएको हैदराबाद दोस्रो खेलमा लखनउसँग पराजित भएको थियो। १० टोलीको सहभागिता रहेको आइपिएलमा हैदराबाद २ अंकका साथ सातौं स्थानमा छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743318385.png)
