हैदराबादको ब्याटिङ नचल्दा लखनउको सानदार जित, पूरनको बिस्फोटक ब्याटिङ

क्रिकेट

नेपाल लाइभ शुक्रबार, चैत १५, २०८१ ०७:००

काठमाडौँ –इण्डियन प्रिमियर लिग (आइपिएल)मा लखनउ सुपर जायन्ट्सले पहिलो जित दर्ता गरेको छ । बिहीबार राति सम्पन्न खेलमा सनराइजर्स हैदराबादलाई ५ विकेटले हराएको हो । लखनउ पहिलो खेलमा दिल्ली क्यापिटल्ससँग एक विकेटले स्तब्ध भएको थियो ।

दोस्रो खेलमा हैदराबादले दिएको १ सय ९१ रनको लक्ष्य लखनउले १६.१ ओभरमा ५ विकेट गुमाएर पूरा गर्‍यो । उसका लागि निकोलस पूरन र मिचेल र्माशले अर्धशतकीय पारी खेले ।

पूरनले २६ बलमा ६ छक्का र ६ चौकासहित ७५ तथा मार्शले ३१ बलमा सात चौका र दुई छक्काको सहयोगमा ५२ रनको पारी खेलेका हुन् । जारी सिजनमा उनीहरूको यो लगातार दोस्रो अर्धशतक हो ।

यस्तै, अब्दुल समदले अविजित २२, कप्तान ऋषभ पन्तले १५ तथा डेविड मिलरले अविजित १३ रन जोडे । हैदराबादका लागि कप्तान प्याट कमिन्सले दुई तथा एडम जाम्पा र मोहम्मद शामीले एकरएक विकेट लिए ।

त्यसअघि राजीव गान्धी इन्टरनेसन स्टेडियममा टस हारेर ब्याटिङको निम्तो पाएको हैदराबादले निर्धारित २० ओभरमा ९ विकेट गुमाएर १ सय ९० रन बनायो ।

उसका लागि ट्रभिस हेडले २८ बलमा पाँच चौका र तीन छक्कासहित सर्वाधिक ४७ रन बनाए । यस्तै, अनिकेत वर्माले ३६, नितिशकुमार रेड्डीले ३२, हेनरिक क्लासेनले २६, कप्तान प्याट कमिन्सले १८ र हर्षल पटेलले अविजित १२ रन जोडे ।

लखनउका लागि शार्दुल ठाकुरले चार, आवेश खान, रवि विश्नोई, प्रिन्स यादव र दिग्वेश राठीले एकरएक विकेट लिए । जारी सिजनमा हैदराबादको यो पहिलो हार हो । उसले पहिलो खेलमा राजस्थान रोयल्सलाई ४४ रनको फराकिलो अन्तरले हराएको थियो ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आजको मौसमः पश्चिम नेपालमा आंशिक बदली, कोशी र गण्डकीका केहि क्षेत्रमा बर्षाको सम्भावना

राजस्थानले चन्नईलाई ६ रनले हरायो, नितिश राणाको विष्फोटक ब्याटिङ

संघीय अस्पताल विकास समितिको आम्दानीको १ प्रतिशत स्वास्थ्य बीमा कोषमा जम्मा गर्ने मन्त्री पौडेलको निर्णय