काठमाडौँ – जारी इण्डियन प्रिमियर लिग (आइपिएल) अन्तर्गत आज एक खेल हुदै छ । आज सनराइजर्स हैदरावाद र लखनउ सुपरजाइन्टबीच हुने यो खेल नेपाली समय अनुस साँझ ७ः४५ बजेदेखि शुरु हुने छ । यस आइपिएलमा सनराइजर्सले आफ्नो पहिलो खेलमा राजस्थानलाई पराजित गर्दै विजयी शुरुवात गरेको थियो भने लखनउले दिल्ली क्यापिटल्ससँग हार बेहोरेको थियो ।
आइपिएलमा सनराइजर्सले आक्रामक ब्याटिंगको छबि बनाएको छ । सनराइजर्सले आइपिएलमा उच्च टोटल बनाउने रेकर्ड नै बनाएको छ । अभिषेक शर्मा, ट्रेभिस हेड, इशान किशन, हेनरीच क्लासेन जस्ता आक्रामक ब्याट्सम्यानले सनराइजर्सलाई बलियो टिमको रुपमा अगाडी ल्याएका छन् । त्यस्तै रणनीतिक रुपमा पाट कमिन्सको कप्तानीले पनि सनराइजर्सलाई अन्य टिम भन्दा फरक बनाएको छ ।
त्यस्तै ऋषव पन्तको कप्तानीमा रहेको लखनउले पहिलो खेलमा निराशाजनक क्रिकेट खेलेको छ । २०९ रनको टोटललाई डिफेन्ड गर्न नसकेपछि कप्तान पन्त पहिलो खेलबाट नै दबाबमा परेका छन् । ब्याटिंगमा मिचेल मार्श, निकोलस पुरन, ऋषव पन्त, डेभिड मिलर जस्ता उत्कृष्ट ब्याट्सम्यान भएपनि लखनउको कमजोरी बलिङ रहेको छ । मयंक यादव र आभेश खान घाइते भएकाले लखनउको बलिङलाई असर गरेको छ । अहिले श्रदुल ठाकुर र रवि विश्नोईले लखनउका लागि विकेट लिनुपर्ने दबाब छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
