काठमाडौं–नेपाली कांग्रेसको क्रियाशील सदस्यता नवीकरण शुल्क २०० रुपैयाँभन्दा बढी लिन नपाउने भएको छ।
बढी शुल्क लिएको गुनासो आएपछि क्रियाशील सदस्यता व्यवस्थापन समितिको बैठकले २०० रुपैयाँभन्दा बढी लिन नपाउने निर्णय गरेको हो।
समितिका संयोजक महामन्त्री गगन थापा रहेका छन्। समितिका केन्द्रीय सदस्यहरूमा सीता गुरुङ, योगेन्द्र चौधरी र प्रकाश रसाइली (स्नेही) रहेका छन्।
समितिको बैठकमा क्रियाशील सदस्यता नवीकरणमा देखिएको विवाद समाधानबारे पनि छलफल भएको छ। क्रियाशील सदस्यता नवीकरण शुल्क २०० रुपैयाँ कायम गर्ने निर्णय भएको भन्दै महामन्त्री थापाले क्रियाशील सदस्यता वितरणसम्बन्धी विषयमा गहन विमर्श र छलफल भएको बताए।
उनले भने, ‘क्रियाशील सदस्यता वितरणमा प्रत्येकले आफ्नो जिम्मेवारी पूरा गर्दा हामी सहजै र समयमै नेपाली कांग्रेसको अधिवेशन सफलतापूर्वक सम्पन्न गर्न सक्नेछौं।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791388337.png)
