काठमाडौं– नेपाल क्रिकेट संघ (क्यान) ले सेन्ट्र कन्ट्र्याक्टका लागि पुरुष तथा महिला खेलाडीहरुको नयाँ ग्रेडिङ गरेको छ।
क्यानले बुधबार सार्वजनिक गरेको वर्गीकरणअनुसार पुरुषतर्फ ३३ जना तथा महिलातर्फ १९ जना खेलाडी ग्रेडिङमा समेटिएका छन्।
पुरुषतर्फ ‘ए’,‘बी’,‘सी’,‘डी’र इमर्जिङ गरी पाँचवटा समूहमा खेलाडीहरुलाई बाँडिएको छ। ए ग्रेडमा पाँच र बी ग्रेडमा पाँच खेलाडी छन्। यस्तै सीमा चारजना र डीमा १२ जना खेलाडी समेटिएको छ। इमर्जिङमा ७ जना परेका छन्।
त्यस्तै पुरुषतर्फ ग्रेड‘ए’मा कप्तान रोहितकुमार पौडेलसहित दीपेन्द्रसिंह ऐरी, सोमपाल कामी, आसिफ शेख र सन्दीप लामिछानेसहित पाँच खेलाडी छन्।
यस्तै, यसअघि ग्रेड‘ए’मा रहेका करण केसी र कुशल भुर्तेल भने घटुवामा परेका छन्।
पुरुषतर्फ ग्रेड‘ए’मा रहने खेलाडीले मासिक एक लाख रुपैयाँ तलब पाउने छन्। ग्रेड ‘बी’ मा रहने खेलाडीले भने ७० हजार रुपैयाँ पाउने छन्। ग्रेड‘बी’मा कुशल र करणसँगै गुल्शनकुमार झा, ललितनारायण राजवंशी र अनिकुमार शाह छन्। ललित यसअघि पनि यही ग्रेडमा थिए। अनिललाई भने पहिलोपल्ट क्यानले वर्गीकरणमा समेटेको हो।
यस्तै, यसअघि ग्रेड‘बी’मा रहेका अलराउन्डर कुशल मल्लसँगै आरिफ शेखको घटुवामा परेका छन्। यी दुईसँगै सन्दीप जोरा र भीम सार्की ग्रेड‘सी’मा छन्।
त्यसैगरी महिलातर्फ ग्रेड‘ए’मा इन्दु बर्मा, पूजा महतो, रुबिना क्षेत्री र सीता रानामगर रहेका छन् ।
ग्रेड‘बी’मा कविता जोशी र ग्रेड‘सी’मा कविता कुँवर र सम्झना खड्का परेका छन्। अरु खेलाडीलाई ग्रेड‘डी’मा राखिएको छ।
महिलातर्फ ए ग्रेडमा परेकाले ५० हजार, बीले ३५ हजार, सीले २५ हजार र डीले २० हजार मासिक पाउने छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1781580295.jpg)
-1786602170.png)
