काठमाडौँ– नेकपा (माओवादी केन्द्र) का अध्यक्ष पुष्पकमल दाहालले विगतमा नागरिकसँगका सम्बन्ध केही कमजोर भएकाले त्यसलाई सुधारेर जाने प्रतिबद्धता जनाएका छन्।
आज बुटवलमा आयोजित मगर मुक्तिमोर्चाको छैटौँ राष्ट्रिय सम्मेलनलाई सम्बोधन गर्दै उनले यस्तो बताएका हुन्।
“माओवादीले अब पहिले गरेका गल्ती कमजोरी दोहोर्याउँदैन”, उनले भने, “जनतासँग माफी मागेर सरकारका गलत कामको खबरदारी गरिरहने हो।”
अध्यक्ष दाहालले विगतका निर्वाचनमा एमाले र कांग्रेससँग गठबन्धन गर्दा गल्ती गरिएको स्वीकार गर्दै जनतासँग माफी माग्न मैदानमा आएको बताएका छन्।
अध्यक्ष दाहालले समावेशिता, समानुपातिकता, संघीयता, गणतन्त्र, धर्मनिरपेक्षता, सबैको जन्मदाता माओवादी भएको बताए।
उनले परिवर्तन उल्टाउन खोज्नेलाई छुट नदिइने र त्यस्ता विरुद्ध सडकबाट भण्डाफोर अभियान चलाउनेसमेत बताएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
