लिभरपुललाई हराउदै पिएसजी क्वाटरफाइनलमा

फुटबल

नेपाल लाइभ बुधबार, फागुन २८, २०८१ ०७:२०

काठमाडौँ – लिभरपुललाई हराउँदै पिएसजी युइएफए च्याम्पियन्स लिगको क्वाटरफाइनलमा प्रवेश गरेको छ । गएराती सम्पन्न राउण्ड १६ को दोस्रो लिगमा पिएसजीसँग पेनाल्टी सुटआउटमा पराजित हुदा लिभरपुल च्याम्पियन्स लिगबाट नै बाहिरिएको छ ।

यस दोस्रो लिगमा पिएसजीले १–० को जित हासिल गरेपछि पहिलो लिगमा लिभरपुलको १–० को अग्रताको आधारमा समग्रमा १–१ को बराबरी भएको थियो । पिएसजीका लागि खेलको १२औं मिनेटमा ओसुमान डेम्बेले गरेको गोल नै खेलको निर्णायक गोल बनेको थियो ।

९० मिनेटसम्मको खेलमा दुवैको समग्र गोल १–१ भएपछि यो खेल ३० मिनेटको अतिरिक्त समय खेलाइएको थियो । थप समयमा कुनै गोल नभएपछि खेलको निर्णय पेनाल्टीबाट गरिएको थियो । पेनाल्टी सुटआउटमा लिभरपुलका कर्टिस जोन्स र डर्विन नुनेजले पेनाल्टी मिस गरेपछि पिएसजी ४–१ ले विजयी हुदै च्याम्पियन्स लिगको क्वाटरफाइनलमा पुगेको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एमाले मुख्यालयमा शिक्षक महासंघको धर्ना

अनुमति नलिई सडकबाट फोहोर नछान्न महानगरको आग्रह

मनमैजुमा आफ्नै कोठामा मृत फेला परिन् एक महिला