काठमाडौं– लुम्बिनी प्रदेशमा आइतबारदेखि सुरु भएको प्रधानमन्त्री कप पुरुष एक दिवसीय राष्ट्रिय क्रिकेट प्रतियोगिताको दोस्रो खेलमा विभागीय टोली एपिएफले बागमती प्रदेशविरुद्ध १०० रनको फराकिलो जित निकालेको छ ।
पहिला ब्याटिङ गर्दै एपीएफले दिएको १७५ रनको लक्ष्य पछ्याउने क्रममा बागमती २८ दशमलव २ ओभरमा अलआउट हुँदै ७४ रनमा समेटियो ।
एपीएफको जितमा कमलसिंह ऐरीले सर्वाधिक ४ विकेट लिए । रोहित पौडेल र अमरसिंह रौतेलाले २/२ विकेट लिँदा अभिनास बोहोराले एक विकेट लिए । बागमतीका लागि शुभ कंशाकारले सर्वाधिक १६ रन बनाउँदा नन्दन यादवले ९ तथा इशान पाण्डेले ८ रन बनाए ।
पहिला ब्याटिङ गर्दै एपीएपले ४४ ओभरमा अलआउट हुँदै १७४ रन बनाएको थियो । एपीएफका लागि सन्दीप जोराले सर्वाधिक ३७ रन बनाउँदा अमरसिंह रौतेलाले २६ र दीपक बोहोराले २५ रनको योगदान दिए ।
यता बलिङतर्फ बागमतीका रिजन ढकालले ८ ओभरमा ३० रन खर्चिँदै सर्वाधिक ५ विकेट लिँदा नन्दन यादवले ३ र सूर्य तामाङले २ विकेट लिए ।
यसअघि आजै भएको उद्घाटन खेलमा कर्णालीले सुदूरपश्चिम प्रदेशलाई ७९ रनको फराकिलो अन्तरले पराजित गरेको छ । कर्णालीको जितमा दीपेन्द्र रावत एक्लैले सात विकेट लिए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
