काठमाडौं– आईसीसी च्याम्पियन्स ट्रफी अन्तर्गत फाइनल प्रवेश गर्ने पहिलो टिम बनेको छ । मंगलबार अस्ट्रेलियालाई चार विकेटले हराउँदै भारतले फाइनलमा स्थान पक्का गरेको हो ।
दुबई स्टेडियममा पहिला टस जितेर अस्ट्रेलियाले दिएको २६५ रनको लक्ष्य भारतले ४८ दशमलव १ ओभरमा नै ६ विकेट गुमाएर पूरा गर्यो । भारतको जितका लागि विराट कोहली नायक बने ।
उनले सर्वाधिक ८४ रनको योगदान दिए । यस्तै अन्तिमतिर आएका हार्दिक पाण्ड्याको इनिङ्स पनि महत्वपूर्ण रह्यो । तीन छक्का र एक चौका प्रहार गर्दै २८ रनमा आउट भए पनि उनले जितका लागि पक्का गरेका थिए ।
यस्तै विराटसँग श्रेयस यय्यरले पनि राम्रो साझेदारी गरे । आउट हुनुअघि उनले ४५ रन बनाए । यस्तै विजयी इनिङ्स खेलेका केएल राहुलले नटआउट ४२ रन बनाए ।
कप्तान रोहित शर्माले २८ रन बनाउँदा अक्षर पटेलले २७ तथा सुभमन गिलले ८ र रवीन्द्र जडेजाले २ रन बनाए । अस्ट्रेलियाका लागि बलिङतर्फ एडम जाम्पा र नाथन इलिसले २/२ विकेट लिँदा कुपर कन्नोली र बेन ड्वारशुसले एक/एक विकेट लिए ।
टस जित्दै पहिले ब्याटिङ गरेको अस्ट्रेलियाले ४९ दशमलव ३ ओभरमा अलआउट हुँदै २६४ रन बनाको थियो ।
अस्ट्रेलियाका लागि स्टेभिन स्मिथले सर्वाधिक ७९ रन बनाउँदा एलेक्स क्यारीले ६१ रन बनाए । यस्तै ट्रभिस हेडले ३९, मार्नुस लाबुसेनले २९, बेन ड्वाराशुसले १९, जोश इङ्लिसले ११ र नाथन इलिसले १० रन बनाए ।
भारतका लागि मोहम्मद शमीले ३ विकेट लिँदा रवीन्द्र जडेजा र वरुण चक्रवर्तीले २/२ तथा अक्षर पटेल र हार्दिक पाण्ड्याले १/१ विकेट लिए ।
आजको जितसँगै भारतले फाइनल मात्र पक्का गरेन सन् २०२३ मा उपाधि गुमाएको बदला समेत लिएको छ । एक दिवसीयमा बलियो प्रतिद्वन्द्वी अस्ट्रेलियालाई हराउँदै आज भारतले च्याम्पियन्स ट्रफीको उपाधि जित्ने दाबी बलियो बनाएको छ ।
अब दोस्रो सेमिफाइनल खेल न्युजिल्यान्ड र दक्षिण अफ्रिकाबीच हुनेछ । जारी प्रतियोगितामा समूचरणदेखि सेमिफाइनलसम्म पुग्दा भारत अपराजित छ ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
