च्याम्पियन्स ट्रफी सेमिफाइनलः भारतविरुद्ध पहिले ब्याटिङमा अष्ट्रेलिया

क्रिकेट

नेपाल लाइभ मंगलबार, फागुन २०, २०८१ १५:०५

काठमाडौं –च्याम्पियन्स ट्रफी सेमिफाइनलमा अष्ट्रेलियाले भारतविरुद्ध टस जितेर पहिले ब्याटिङ गर्ने निर्णय लिएको छ । भारतीय कप्तान रोहित शर्मा एक दिवसीय क्रिकेटमा लगातार १४औं पटक टसमा पराजित भएका छन् । दुबई अन्तर्राष्ट्रिय स्टेडियममा अष्ट्रेलियाका कप्तान स्टिभ स्मिथले टसपछि भने, ‘हामी ब्याटिङ गर्छौं । पिच निकै सुख्खा देखिन्छ । भारत उत्कृष्ट टोली हो ।’ भारतीय कप्तान रोहित शर्माले भने, ‘म ब्याटिङ र बलिङ दुवैका लागि तयार थिएँ । जब द्विविधा हुन्छ, टस हार्नु नै राम्रो मानिन्छ ।’

अष्ट्रेलियन टोली दुई परिवर्तनसहित मैदानमा उत्रिएको छ । मैथ्यू शर्टको स्थानमा कुपर कोनोली र स्पेन्सर जोनसनको स्थानमा तनवीर संघालाई मौका दिइएको छ। भारतीय टोली भने अघिल्लो खेलको प्लेइङ–११ मै खेल्नेछ । दुवै टोली पहिलो पटक यस मैदानमा आमनेसामने भएका हुन् ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

‘महिला चलचित्र महोत्सव’ सुरु

अध्यादेश कुनै हालतमा पास हुदैन – अध्यक्ष दाहाल

नेपाल बिजनेस समिटको दोस्रो संस्करण बैशाख हुँदै