च्याम्पियन्स ट्रफीमा पाकिस्तान र बंगलादेश खेल्दै

क्रिकेट

नेपाल लाइभ बिहीबार, फागुन १५, २०८१ १२:५१

काठमाडौँ –आइसिसी च्याम्पियन्स ट्रफीमा आज पाकिस्तान र बंगलादेशबीच प्रतिस्पर्धा गर्दैछन् । खेल रावलपिण्डी क्रिकेट स्टेडियममा नेपाली समय अनुसार अपराह्न २ः४५ बजे सुरु हुनेछ । समूह एमा रहेका दुवै टोली यसअघि भारत र न्युजिल्याण्डसँग पराजित भएपछि लिग चरणबाटै बाहिरिएका हुन् । भारत र न्युजिल्याण्ड भने लगातार जित निकाल्दै सेमिफाइनलमा पुगेका छन् । आइतबार हुने भारत र न्युजिल्यान्डबीचको खेलले समूहको विजेता र उपविजेता टुंगो लगाउनेछ ।

च्याम्पियन्स ट्रफीको इतिहासमा पाकिस्तान र बंगलादेश पहिलो पटक प्रतिस्पर्धा गर्न लागेका हुन् । आयोजक पाकिस्तान प्रतियोगितामा सुखद् अन्त्यको योजनामा रहँदा बंगलादेश पनि सान्त्वना जितको खोजीमा हुनेछ । यद्यपि रावलपिण्डीमा मौसम सफा नहुने पूर्वानुमानले यी दुईबीचको खेल प्रभावित हुने सम्भावना पनि छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

दैलेखबाट सुर्खेत आउँदै गरेको फोर्स गाडी दुर्घटना, १३ जना घाइते

घाटामा रहेका खानेपानी संस्थानलाई नाफामा ल्याएरै छोड्छौँ – मन्त्री यादव

सकियो महाकुम्भ मेला, मेलास्थलको भिँड भने एक हप्ता पछि सम्म जारी रहने