काठमाडौँ – पाकिस्तान र दुवईमा जारी च्याम्पियन्स ट्रफी क्रिकेटमा भारतले विजयी सुरुवात गरेको छ । बिहीबार भएको दिवा रात्रि खेलमा भारतले बङ्गलादेशलाई ६ विकेटले हराउँदै प्रतियोगितामा आफ्नो विजयी यात्रा अघि बढाएको हो ।
बङ्गलादेशले दिएको २२९ रनको लक्ष्य पछ्याएको भारतले ४६.३ ओभरमा ४ विकेटको क्षतिमा २३१ रनको योगफल खडा गरेको हो । भारतका लागि उपकप्तान शुभमन गिलले १०१ न जोडे । कप्तान रोहित शर्मा र केएल राहुलले समान ४१/४१ रन जोडे ।
यसअघि टस जितेर पहिले ब्याटिङ गरेको बङ्गलादेशले २ बल बाँकी रहँदा सम्पूर्ण विकेट गुमाउँदै २२८ रनको योगफल खडा गरेको थियो । खराब सुरुवात गरेको बङ्गलादेशका लागि तोहिद ह्दोयले १०० रन प्रहार गरे । खराब सुरुवात गरेको बङ्गलादेशले ३५ रनमा नै ५ विकेट गुमाएका थियो । ह्दोय र जाकर अलीले छैटौँ विकेटका लागि १५४ रनको साझेदारी गरे । अलीले ६८ रन जोडे ।
भारतका मोहम्मद सामीले १० ओभरमा ५३ रन खर्चेर ५ विकेट लिए । हर्षित रानाले ७.४ ओभरमा ३१ रन खर्चेर ३ विकेट लिए । अक्षर पटेलले ९ ओभरमा ४३ रन खर्चेर २ विकेट लिएका थिए ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
