पाकिस्तानलाई हराउँदै न्युजिल्यान्डले जित्यो त्रिदेशीय शृङ्खलाको उपाधि

समाचार

नेपाल लाइभ शनिबार, फागुन ३, २०८१ ०७:१२

काठमाडौँ – पाकिस्तानमा भएको त्रिदेशीय शृङ्खलाको उपाधि न्युजिल्यान्डले जितेको छ । न्युजिल्यान्डले शुक्रबार कराँचीमा भएको दिवा रात्रि फाइनलमा पाकिस्तानलाई ५ विकेटले हराउँदै उपाधि जितेको हो ।

पाकिस्तानले दिएको २४३ रनको लक्ष्य न्युजिल्यान्डले ४५.२ ओभरमा ५ विकेटको क्षतिमा भेट्टाएको थियो । न्युजिल्यान्डका लागि डारियल मिचेलले ५७ तथा टम लाथमले ५६ रनको योगदान गरे । डेभिड कोन्वे ४८ तथा केन विलिम्सन ३४ रन जोडे । पाकिस्तानमा नसिक शाहले २ विकेट लिए ।

यसअघि टस जितेर पहिले ब्याटिङ गरेको पाकिस्तानले तीन बल बाँकी रहँदा सम्पूर्ण विकेट गुमाउँदै २४२ रन बनाएको थियो । पाकिस्तानका लागि कप्तान मोहम्मद रिजवानले सर्वाधिक ४६ तथा सलमान आगाले ४५ रन जोडे । न्युजिल्यान्डका विल राउरकेले ९.३ ओभरमा ४३ रन खर्चेर ३ विकेट लिए हात पारे ।

मिडिल ओभरमा कसिलो बलिङ गरेको माइकल १० ओभरमा २० रन खर्चेर २ विकेट लिए । यसैगरी माइकल ब्रेसवेलले पनि १९ ओभरमा ३८ रन खर्चेर २ विकेट लिए । राउरके खेलका म्यान अफ द म्याच भए पनि पाकिस्तानका आगा म्यान अफ द सिरिज भएका छन् ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बाइडेन प्रशासनका सबै अमेरिकी वकिलहरूलाई बर्खास्त गर्न ट्रम्पको आदेश

पानीमा डुबेर एक बालकको मृत्यु

किट विश्वविद्यालयबाट निकालिएका २०० विद्यार्थी वीरगन्ज आइपुगे