काठमाडौँ – आगामी मार्च २१ देखि सुरु हुने आइपिएल २०२५ को लागि रजत पाटीदारलाई रोयल च्यालेन्जर्स बेंगलुरुको कप्तान नियुक्त गरिएको छ ।
२०२२ देखि २०२४ सम्मका कप्तान फाप डु प्लेसिसलाई बेंगलुरुले रिटेन नगरेपछि विराट कोहलीले टोलीको फेरि नेतृत्व गर्ने अपेक्षा गरिएको थियो । तर बेंगलुरुले पाटीदारलाई कप्तानको रूपमा अघि सारेको हो ।
बिहीबार बेंगलुरुमा टोली निर्देशक मो बोबाट, मुख्य प्रशिक्षक एन्डी फ्लावर र पाटीदारको उपस्थितिमा आयोजित एक कार्यक्रममा कप्तान घोषणा गरिएको हो । पाटीदार टोलीका लागि आठौँ कप्तान हुन् ।
२०२१ मा टोलीमा आबद्ध भएपछि उनले तीन सिजन खेलिसकेका छन् । उनले २८ खेलमा १५८.८५ को स्ट्राइक रेटमा ७९९ रन बनाउँदै उनी टोलीको प्रमुख ब्याट्सम्यानमध्ये एक बनेका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
