काठमाडौँ– गोड स्पिन टेबलटेनिस क्लबका पूर्णशङ्कर श्रेष्ठले प्रथम पुष्पराज शाक्य स्मृति टेबलटेनिस प्रतियोगितामा आज स्वर्ण जितेका छन्।
खोल्चा पुखु खेलकुद समितिको आयोजनामा शङ्खमूलस्थित इलेभन स्टार क्लबमा भएको भेट्रान ६० वर्षमाथि पुरुष एकल फाइनलमा पूर्णशङ्करले सेहोपीका राजन सुब्बालाई ११–६, १०–१२, ११–९, ५–११ र १२–१० को सेटमा पराजित गर्दै स्वर्ण जितेका हुन्।
सिवाइसीका खेलाडीद्वय आनन्द धाक्वा र रोशन प्रधान संयुक्त रूपमा तृतीय भए।
ललितपुर महानगरपालिका–११ को मुख्य प्रायोजना तथा स्पिन इभेन्ट प्रालिको व्यवस्थापनमा भइरहेको उक्त प्रतियोगितामा विभिन्न छ स्पर्धामा एक सय ५० खेलाडी सहभागी छन्। प्रतियोगिताको कुल पुरस्कार राशि रु दुई लाख रहेको छ।
पुरुष तथा महिला एकल खेलमा शीर्ष तीन स्थान हात पार्नेले क्रमशः रु ३० हजार, रु १५ हजार र रु सात हजार पाँच सय पुरस्कार प्राप्त गर्नेछन्। बाँकी चार स्पर्धामा पहिलो हुनेले रु १० हजार, दोस्रोले रु पाँच हजार र तस्रोले रु दुई हजार पाँच सय पुरस्कार पाउने छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
