काठमाडौं– राष्ट्रिय स्वतन्त्र पार्टी (रास्वपा) सभापति रवि लामिछानेलाई जिल्ला अदालत चितवनले ५४ लाख धरौटी रकम बराबरको बैंक ग्यारेन्टी बुझाएर रविलाई छुटेका छन्।
चितवनमा पनि प्रभू बैंकले रविका लागि जमानत दिएको हो। यसअघि तीनवटै अदालतमा सोही बैंकले जमानत उपलब्ध गराएको थियो। बैंक ग्यारेन्टी प्रक्रिया सकिएपछि केही बेरमा रविलाई रिहा गरिने अदालत स्रोतले बतायो।
रविले अदालतबाट निस्किँदै सम्मानित अदालतले न्याय दिन्छ भन्नेमा विश्वास रहेको बताए। यो परिवर्तनको प्रसवपिडा भएको उनको भनाइ छ।
रविले भने, ‘चितवन देवभूमि हो, परिवर्तनको सुरुवात यहीँबाट हुन्छ। यो व्यक्तिका लागि होइन, परिवर्तनका लागि हो। प्रसवपीडाको बेला आमालाई जस्तो पीडा हुन्छ, त्यस्तै परिवर्तनका लागि भएको प्रसवपिडा हो। यो पीडामा कोही रुनु पर्दैन। मलाई सम्मानित अदालतप्रति विश्वास छ।’
सहारा सहकारीको बचत रकम ठगी तथा संगठित अपराधमा सरकारी वकिल कार्यालयले चितवनले मंलबार लामिछानेसहित १५ जनाविरुद्ध पूरक मुद्दा दर्ता गराएको थियो। व्यक्तिबाहेक ६ वटा संस्थाविरुद्ध पनि मुद्दा दर्ता गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789375192.jpeg)
-1786602170.png)
