काठमाडौं– महिला अन्तर्राष्ट्रिय टी-२० त्रिकोणात्मक सिरिजमा नेपाल लगातार चौथौ खेलमा पराजित भएको छ।
मंगलबार कीर्तिपुरस्थित त्रिवि मैदानमा नेपालमाथि थाइल्यान्डले ५ रनको रोमाञ्चक जित निकाल्न सफल भयो।
यसअघि नेपालले नेदरल्यान्ड्सका दुवै खेल तथा थाइल्यान्डविरूद्धको पहिलो खेल गुमाएको थियो।
कीर्तिपुर मैदानमा मंगलबार थाइल्यान्डले दिएको १०७ रनको सामान्य लक्ष्य पछ्याए पनि नेपालले ८ विकेटको क्षतिमा १०१ रन मात्र जोड्न सक्यो।
फिनिसिङमा चुकेको नेपालकी कविता जोशी १९औं ओभरको अन्तिम बलमा २४ रनमा आउट हुन पुगेकी थिइन्। उनले २० बलमा ३ चौका र १ छक्का प्रहार गरिन्।
अन्तिम ओभरमा नेपाललाई जितका लागि १५ रन चाहिएको थियो। जसमा पहिलो बलमै अलिसा यादव शून्यमा रनआउट हुन पुगिन्। त्यसपछि पाँचौं बलसम्म कुनै बाउन्ड्री प्रहार गर्न नसकेको नेपालका लागि अन्तिम बलमा रोमा थापाले चौका प्रहार गरे पनि जितका लागि पर्याप्त हुन सकेन। रोमाले १९ बलमा २ चौका प्रहार गर्दै १९ रन जोडिन्।
नेपालका लागि सुरुवाती चार ब्याटरले दोहोरो अंकमा रन जोड्न सकेनन्। त्यसपछि पूजा महतोले १८ रन र रुबिना क्षेत्रीले २६ रन जोडेर नेपालको आसा बढाएका थिए।
बलिङमा थाइल्यान्डका लागि पुथ्थावाङले ४ विकेट लिन सफल भइन्।
त्यसअघि टस जितेर पहिले ब्याटिङ गरेको थाइल्यान्डले ६ विकेटको क्षतिमा १०६ रन जोड्यो।
थाइल्यान्डका लागि पुथ्थावाङले नटआउट २५ रन र सुथिरुवाङले २७ रन जोडे। दुईबीच ५० रनको साझेदारी भएपछि थाइल्यान्डले सय रन कटाएको थियो।
नेपालले थाइल्यान्डको १२ ओभरभित्र ६ विकेट लिएको थियो भने थाइल्यान्डले ५६ रन जोडेको थियो।
नेपालका लागि मनिषा उपाध्यायले ३ विकेट लिइन्। उनले ४ ओभरमा १ मेडन राख्दा १८ रन दिइन्। डेब्यू खेलाडी रचना चौधरीले १ विकेट लिँदा पूजा महतोले पनि १ विकेट हात पार्न सफल भइन्।
अब सिरिजमा नेपालले भोलि नेदरल्यान्ड्स र शुक्रबार थाइल्यान्डसँग खेल्नेछ। दुवै खेलमा जित हात पारे मात्र नेपालको फाइनल सम्भावना हुनेछ। त्यसका लागि नेदरल्यान्ड्सले एक खेल हार्नु पर्छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
