गुल्मी – गुल्मीमा ट्र्याक्टर दुर्घटना सहचालकको मृत्यु भएको छ । जिल्लाको कालीगण्डकी गाउँपालिका– २ अर्वेनीको बिसौनास्थित कच्ची सडकमा शनिबार लु ३ त ५११२ नम्बरको ट्याक्टर दुर्घटना हुँदा सहचालक ५५ वर्षीय देवबहादुर बिकको मृत्यु भएको जिल्ला प्रहरी कार्यालय गुल्मीले जानकारी दिएको छ ।
दुर्घटनामा घाइते भएका बिकको स्याङ्जा गल्याङमा उपचारको क्रममा शनिबार साँझ मृत्यु भएको प्रहरीले जनाएको छ । दुर्घटनापछि फरार रहेका ट्याक्टर चालकलाई प्रहरीले नियन्त्रणमा लिएको छ । ट्याक्टर अनियन्त्रित भई सडकबाट करिव ६० मिटर तल खसेको प्रहरीले जनाएको छ । साथै घटनाबारे थप अनुसन्धान भइरहेको समेत प्रहरीले जानकारी दिएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
