अर्जुन ट्रफी राष्ट्रिय क्रिकेट प्रतियोगिता भोलिदेखि सुरु हुँदै

समाचार

नेपाल लाइभ शुक्रबार, माघ १८, २०८१ १९:२९

कैलाली – अर्जुन ट्रफी राष्ट्रिय क्रिकेट प्रतियोगिता भोलीबाट सुरु हुने भएको छ । आयोजक ‘गो ड्रिमर्सुले’ आज पत्रकार सम्मेलन गर्दै प्रतियोगिताका लागि सबै तयारी पूरा भएको जनाएको हो ।

नेपाल क्रिकेट संघ क्यानको वार्षिक क्यालेन्डरमा समावेश भएको प्रतियोगिता धनगढीस्थित फाप्ला अन्तर्राष्ट्रिय क्रिकेट मैदानमा भोलिदेखि माघ २८ गतेसम्म सञ्चालन हुनेछ ।

प्रतियोगिता स्थल फाप्ला अन्तर्राष्ट्रिय मैदानमा चार वटा पिच निर्माण गरिएका छन् । गो ड्रिमर्सका अध्यक्ष सुवास शाहीले मैदानमा दर्शकलाई बस्नका लागि अस्थायी प्याराफिट समेत निर्माण गरिएको जनाउनु भयो ।

भोलि दिउँ सवा १२ बजे हुने उद्घाटन खेलमा डीसीए धनगढी र फ्रेन्ड्स क्लब डडेल्धुराबीच प्रतिस्पर्धा गर्नेछन् । धनगढीबाट ललीत राजवंशी, लोकेश बम, नारायण जोशी, अमित श्रेष्ठ लगायतका खेलाडी मैदान उत्रिँदैछन् । यस्तै, डडेल्धुराबाट कुशल भुर्तेल, सन्दीप जोरा, विनोद भण्डारी, हेमन्त धामी लगायतका खेलाडीले खेल्नेछन् ।

प्रतियोगितामा देशभरिबाट ८ वटा टीम सहभागी भएका छन् । दूई समूहमा विभाजन गर्दै लिगकम नकाउटका आधारमा आयोजना हुने प्रतियोगिताको समूह ‘ए’मा धनगढी, डडेल्धुरासँगै घोडाघोडी–११ सुख्खड र बोष्टन क्रिकेट झापा रहेका छन् । यस्तै, समूह ‘बी’मा सीवाईसी अत्तरिया, क्रिकेट एक्सिलेन्स सेन्टर काठमाडौं, न्यु होराइजन वुटवल र दशरथ चन्द एकेडेमी बैतडी रहेका छन् ।

रनिङ ट्रफीका रुपमा टी–२० प्रतियोगिताको विजेताले नगद १० लाख र उपविजेताले ५ लाख रुपैयाँ पाउनेछन् । प्रतियोगिताको सर्वोकृष्ट खेलाडीलाई एक लाख रुपैयाँ प्रदान गरिनेछ । उत्कृष्ट ब्याट्सम्यान, उत्कृष्ट बलर र उदीयमान खेलाडीले जनही ५०÷५० हजार रुपैयाँ पाउनेछन् । प्रत्येक खेलका म्यान अफ द म्याचलाई नगद १० हजार प्रदान गरिनेछ । प्रतियोगितामा पहिलो क्याच गर्ने दर्शकले नगद एक लाख पुरस्कार पाउने बताइएको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अर्जुन ट्रफी राष्ट्रिय क्रिकेट प्रतियोगिता भोलिदेखि सुरु हुँदै

सामाजिक सञ्जाल विधेयकप्रति माओवादी केन्द्रको आपत्ति, परिमार्जन गर्न माग

प्रतिनिधिसभामा ६ वटा अध्यादेश पेस, अर्को बैठक २४ गते बस्ने