टियु मैदानमा नेदरल्याण्ड्स र थाइल्याण्ड सँग त्रिकोणात्मक टि–२० आई सिरिज खेल्दै नेपाली महिला टोली

समाचार

नेपाल लाइभ बुधबार, माघ १६, २०८१ १९:५७

काठमाडौं –नेपाली महिला क्रिकेट टोलीले नेदरल्याण्ड्स र थाइल्याण्ड सँग त्रिकोणात्मक टि ट्वान्टी आई सिरिज खेल्दैछ ।

कीर्तिपुरस्थित टियु मैदानमा हुने त्रिकोणात्मक सिरिजमा घरेलु टोलीको पहिलो पटक नेदरल्याण्ड्सको सामना गर्दैछ । नेपाल र नेदरल्याण्ड्सबीचको खेल भोली दिउँसो १२ः१५ बजे सुरु हुनेछ ।

नेपालले घरेलु भुमीमा दोस्रो पटक टि ट्वान्टी आई सिरिज खेल्न लागेको हो । यसअघि नेपालले सन् २०२२ को मेमा युगान्डासँग ५ खेलको टि ट्वान्टी आई सिरिज खेलेको थियो । महिला टि ट्वान्टी आई वरियतामा नेपाल २०औं तथा नेदरल्याण्ड्स १६औं स्थानमा छ । थाइल्याण्ड १३औं स्थानमा छ ।

सिरिजमा सहभागी टोलीले एकअर्कासँग समान ३ पटक खेल्नेछन् । लिग चरणको अंक तालिकाको शीर्ष स्थानमा रहने टोली विजेता बन्नेछ ।

सिरिजमा नेपाली टोलीको खेलतालिका

३० जनवरी (माघ १७ गते) – नेदरल्याण्ड्ससँग
३१ जनवरी (माघ १९ गते) – थाइल्याण्डसँग
२ फेब्रुअरी (माघ २० गते) – नेदरल्याण्ड्ससँग
४ फेब्रुअरी (माघ २२ गते) – थाइल्याण्डसँग
५ फेब्रुअरी (माघ २३ गते) – नेदरल्याण्ड्ससँग
७ फेब्रुअरी (माघ २५ गते)– थाइल्याण्डसँग

नेपाली महिला टोली

इन्दु बर्मा(कप्तान), बिन्दु रावल, सम्झना खड्का, कविता कुवँर, ममता चौधरी, पुजा महतो, राजमती ऐरी, रुविना क्षेत्री, कविता जोशी, रोमा थापा, मनिषा उपाध्याय, अलिसा कुमारी यादव, रेवती धामी, इश्वरी बिष्ट र सिता राना मगर ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सामाजिक सञ्‍जालसम्बन्धी विधेयकका प्रावधान प्रति रास्वपाको विरोध

आहा रारा गोल्डकपको खेल तालिका सावर्जनिक

हमासले गर्यो दुई इजरायली र पाँच थाई नागरिक गरी सात जनाको रिहाई