मलेसिया विरुद्ध पहिले बलिङ गर्दै नेपाल

समाचार

नेपाल लाइभ शुक्रबार, माघ ११, २०८१ १२:१६

काठमाडौं - आइसिसी यू–१९ महिला विश्व कपमा घरेलु टोलीविरुद्ध नेपालले टस जितेर पहिले बलिङ गर्ने भएको छ ।
मलेसियाको जोहार क्रिकेट एकेडेमी मैदानमा नेपालकी कप्तान पुजा महतोले टस जितेर फिल्डिङ रोजेकी हुन् । नेपाल र मलेसिया आफ्नो समूहको सबै खेलमा पराजित भएका थिए ।

पहिलो पटक विश्व कप खेलिरहेका दुवै टोली पहिलो जितको खोजीमा रहेका छन् । विश्व कपको समूह ‘डी’ मा रहेको नेपालले स्कटल्याण्ड, अस्ट्रेलिया र बंगलादेशसँग हार बेहोरेको थियो । उता, मलेसिया भने भारत, श्रीलंका र वेस्ट इण्डिजसँग पराजित भएको थियो ।

मलेसिया र नेपाल यू–१९ सन् २०२३ विश्व कपको एसिया छनोटमा एक पटक आमने सामने भएका छन् । त्यो भेटमा नेपाल २५ रनले विजयी भएको थियो । नेपाली यू–१९ टिममा बुधवार अस्ट्रेलियाविरुद्ध खेलेको टिममा २ परिवर्तन भएको छ । बुधवार खेलेकी त्रिसना विक र अनु कडायतको स्थानमा कुशुम गोदार र स्नेहा महराले मौका पाएका छन् ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रधानमन्त्रीले गरे पाल्पाका २ पालिका भवनको भर्चुअल उद्घाटन

भारतमा रेल दुर्घटनामा ज्यान गुमाएका ७ नेपालीको नाम-ठेगाना सार्वजनिक

गाजाको भग्नावशेष हटाउन पाँच बर्ष लाग्ने