काठमाडौं– नेकपा (एकीकृत समाजवादी) ३२ लाख रुपैयाँ घाटामा रहेको देखिएको छ।
पार्टीले सोमबार सार्वजनिक गरेको आर्थिक वर्ष २०८०/०८१ को लेखापरीक्षण प्रतिवेदनले पार्टी ३२ लाख ८७ हजार १६४ रुपैयाँ घाटामा रहेको देखाएको हो।
गत आर्थिक वर्षमा चार करोड २४ लाख ५३ हजार ६९१ रुपैयाँ आम्दानी भएको लेखा प्रमुख खेमराज पौडेलले बताए। त्यस्तै, खर्चतर्फ चार करोड ५७ लाख ४० हजार ८५४ रुपैयाँ खर्च भएको प्रतिवेदनमा उल्लेख छ।
०८० असोजमा सञ्चालित मेची–महाकाली जागरण अभियान, २०८१ जेठमा सम्पन्न पार्टीको दशौँ राष्ट्रिय महाधिवेशन र यसै वर्ष सम्पन्न स्थानीय तहको उपनिर्वाचनमा भए/गरेको खर्च विवरण प्रतिवेदनमा उल्लेख छ।
सदस्यता, लेबी, प्रकाशन बिक्री, महाधिवेशन प्रतिनिधि शुल्क, अन्य नियमित सहयोग रकम पार्टीको मुख्य आम्दानीको स्रोत देखाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
