कैलाली– मातृभूमि जागरण अभियानका संयोजक डा भीम रावलले आफूलाई राजावादीसँग साँठगाँठ गरेको आरोपको अस्वीकार गरेका छन्। धनगढी आइपुगेका नेता रावलले आफूहरूले राष्ट्रहितलाई केन्द्रमा राख्ने सबैलाई समेटेर अघि बढ्ने बताए।
उनले भने, ‘नेपालमा विभिन्न समूहहरू छ्न्। नागरिक, बुद्धिजीवी, राजनीतिक दलसँग आवद्ध व्यक्तिहरू छन्। उहाँहरूसँग छलफल गरेर अघि बढ्छु। मैले भनेकै हुनुपर्छ भन्ने छैन। सबैसँग छलफल गरेर नै अघि बढ्ने हो। हामीले आफ्नो नीतिसहित अभियान सुरू गरेका छौं। अब छलफलको क्रममा सबैसँग हामी खुला छौं।’
काठमाडौं महानगरका मेयर बालेन शाहसँगको सम्भावित सहकार्यमा पनि आफू खुला रहेको बताए।
बालेनबारे सोधेको प्रश्नमा उनले भने, ‘यो देशको हित चाहने, अहिलेको अवस्थामा देश भएन। अहिले ठूला राजनीतिक दलहरू भागबन्डामा केन्द्रित भएका छन्। त्यसैले राष्ट्रसहितमा अगाडि बढ्ने बालेनजी हुनुहुन्छ कि जोजो हुनुहुन्छ, ती सबलाई एकजुट गरेर राष्ट्रको हितमा अगाडि बढ्छौं।’
उनले एमालेले आफूलाई राजावादीसँग साँठगाँठ गर्यो भन्नुभन्दा पनि आफ्नो पार्टीमा कस्ताकस्ता मान्छे छन् हेर्न सुझाव दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
