रविको विपक्षमा बहस गर्ने कानुन व्यवसायीमाथि आक्रमणको प्रयास, प्रहरीले जोगायो अधिवक्ता त्रिपाठीलाई

राजनीति

नेपाल लाइभ बुधबार, माघ २, २०८१ १६:५६

काठमाडौं– राष्ट्रिय स्वतन्त्र पार्टी (रास्वपा) का सभापति रवि लामिछानेको विपक्षमा बहस गरेका कानुन व्यवसायीमाथि आक्रमणको प्रयास भएको छ।

वरिष्ठ अधिवक्ता दिनेश त्रिपाठीमाथि बुधबार अपरान्ह काठमाडौं जिल्ला अदालत बाहिर लामिछानेका समर्थकहरूले आक्रमणको प्रयास गरेका हुन्।

जवाफी बहस सकेर अदालत बाहिर संचारमाध्यमसँग बोलिरहेका बेला रास्वपा तथा लामिछानेका समर्थकहरूले आक्रमणको प्रयास गरेका हुन्। धकेलाधकेलको अवस्थापछि प्रहरीले वरिष्ठ अधिवक्ता त्रिपाठीलाई भीडबाट जोगाएर सुरक्षित स्थानमा लगेको थियो।

थुनछेक आदेशको पर्खाइमा रहेको आक्रोशित भीडले रवि लामिछानेको विरुद्धमा बहस गरेको भन्दै ‘ठोक्... ठोक्...’ र ‘हान्... हान्...’ भन्दै त्रिपाठीलाई घेरेका थिए। वरिष्ठ अधिवक्ता त्रिपाठीले सहकारी पीडितका तर्फबाट बहस गरेका थिए। उनी कास्की जिल्ला अदालत पनि पुगेर बहस गरेका थिए।

लामिछानेविरुद्धको मुद्दामा काठमाडौं जिल्ला अदालतमा थुनछेक बहस सकिएको छ। अदालतले आजै आदेश दिने तयारी गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बढ्यो पेट्रोल, डिजेल तथा मट्टितेलको मूल्य

म्यानमामा खानी भत्किँदा मृत्यु हुनेको सङ्ख्या २२ पुग्यो

समाजवादी मोर्चाले माघ १६ गते राजधानीमा कार्यक्रम गर्ने