काठमाडौं– नेपाली कथानक चलचित्र ‘महाराजधिराज’ बन्ने घोषणा गरिएको छ।
शीर्ष भूमिकामा पल शाहलाई लिएर निर्देशक परिच्छेद सेनले नयाँ फिल्म ‘महाराजधिराज’को घोषणा गरेका हुन्।
मंगलबार सार्वजनिक टिजर पोस्टरमा अभिनेता पललाई दोहोरो भूमिकामा देख्न सकिन्छ। एउटामा तस्वीरमा उनी ‘न्युड’ अवस्थामा गद्दीमा बसेको देख्न सकिन्छ। अर्को पात्रमा भने उनी श्रीपेच र शाही पोशाकसहित उभिएका छन्।
यसैबीच अभिनेता पलले सामाजिक सञ्जालमार्फत चलचित्रको प्रदर्शन मितिसमेत घोषणा गरेका छन्। जसअनुसार यो फिल्म आगामी दशैँको फूलपातिमा रिलिज हुने जनाइएको छ।
‘अनेकौं समस्या म देख्छु जगतमा, छ कि दोष हाम्रो यो आफ्नै रगतमा,’ चलचित्रबारे जानकारी दिँदै पलले फेसबूकमा लेखेका छन्, ‘आजको दिन मेरो लागि विशेष छ। म मेरो एघारौं चलचित्र महाराजधिराजको पहिलो झलक सार्वजनिक गर्दैछु।’
पोस्टरअनुसार यो फिल्मको पटकथाकार र निर्देशकको रुपमा सेन छन् । छत्रेश्वर म्यानेजमेन्ट प्रालिको ब्यानरमा यसलाई टोपेन्द्र विष्ट, चक्रबहादुर केसी र रवि खड्काले निर्माण गर्न लागेका हुन् । प्रस्तुतकर्तामा विराज विष्ट छन् ।
फिल्मबारेका थप कुरा ट्रेलरमा सार्वजनिक हुने उल्लेख छ ।
निर्देशक सेनले लेखेका छन्, ‘धेरै तयारीपछि अन्ततः यो यात्रा सुरु भएको छ। । तपाईं सबैलाई यस यात्रामा सामेल हुन विनम्र निमन्त्रणा गर्दछु । तपाईंहरूको माया, साथ र प्रेरणाले हाम्रो यस यात्रालाई सार्थक बनाउनेछ । तपाईंहरूको साथको आवश्यकता पहिलेभन्दा अझै अझ बढी छ ।’ फिल्म कहिलेदेखि छायांकन हुने त्यो खुलाइएको छैन ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
