काठमाडौं– यू–१९ महिला टी–२० विश्वकपअघि खेलिएको पहिलो अभ्यास खेलमा नेपाल वेस्टइन्डिजसँग पराजित भएको छ।
जितका लागि ११० रनको लक्ष्य पछ्याएको नेपालले १९ दशमलव १ ओभरमा १०० रन बनाउँदै अलआउट भयो। नेपालका लागि सीमाना केसीले २३ रन बनाउँदा पूजा महतो र किरणकुमारी कुँवरले १८/१८ रन बनाए भने सोनी पाख्रिनले १५ रन बनाइन्।
नेपाललाई अलआउट गर्ने क्रममा वेस्टइन्डिजका तर्फबाट अमिह गिलबर्ट, अलियह वीकेस र तृसा हार्डबले २/२ विकेट लिँदा कनिका कासरले एक विकेट लिए।
मलेसियास्थित कोलेज टुएन्कु जाफर मैदानमा टस जितेर ब्याटिङ थालेको वेस्ट इन्डिजले निर्धारित २० ओभरमा चार विकेट गुमाउँदै १०९ रन बनाएको थियो।
वेस्ट इन्डिजकी कप्तान समरा रमनाथले सर्वाधिक २५ रन बनाइन्। ३३ बल खेलेकी उनले दुई चौका प्रहार गरिन्। यस्तै, ओपनर असाबी क्यालेन्डर २३, जहजारा क्लाक्सटन २२ र अबिगेल ब्राइसले १९ रन बनाउँदा अमृता रामतहालले १० रनको योगदान दिइन्।
नेपालका रचनाकुमारी चौधरी र सिमना केसीको नाममा समान एक विकेट रह्यो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
