जय ट्रफी: सोमपालले प्रहार गरे पहिलो अर्धशतक

क्रिकेट

नेपाल लाइभ सोमबार, पुस २२, २०८१ १३:२५

काठमाडौं– त्रिभुवन आर्मी क्लबका अलराउन्डर सोमपाल कामी जय ट्रफी पुरुष इलाइट कप–२०२५ मा अर्धशतक बनाउने पहिलो ब्याटर बनेका छन्।

सोमबार पर्साको वीरगन्जस्थित नारायण क्रिकेट मैदानमा जारी खेलको दोस्रो इनिङमा सोमपालले अर्को विभागीय टोली नेपाल पुलिस क्लबविरुद्ध ५० रन पूरा गरेका हुन्।

उनले ७३ बलमा सात चौका र एक छक्कासहित अर्धशतक पूरा गरे। आइतबारदेखि मधेसका दुई सहर जनकपुर र वीरगन्जमा सुरु प्रतियोगिताको यो पहिलो अर्धशतक हो।

खेलको दोस्रो इनिङ जारी रहँदा ३५ ओभरमा आर्मीले सात विकेट गुमाएर १२९ रन बनाएको छ। सोमपालसँगै क्रिजमा रहेका विवेक यादवले रनको खाता खोलेका छैनन्।

पहिलो इनिङमा आर्मीले १२१ रन बनाएको थियो। पहिलो इनिङमा पुलिसले १२५ रन बनाएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

केयूको उपकुलपतिका लागि पिएचडीको न्यूनतम योग्यता राखिएकोमा चिकित्सकहरुको विरोध

प्रहरी अस्पतालका ४ जना इन्स्पेक्टरलाई डीएसपीमा बढुवा गर्न सिफारिस

छिन्नमस्ता गाउँपालिकाले कृषि विद्युत् बिल तिरिदिने