काठमाडौं–सुरुवातदेखि नै बलियो स्थितिमा देखिएको जनकपुर बोल्ड्सले नेपाल क्रिकेट संघ (क्यान)ले आयोजना गरेको ऐतिहासिक नेपाल प्रिमियर लिगको उपाधि जितेको छ।
शनिबार कीर्तिपुरस्थित त्रिवि अन्तर्राष्ट्रिय क्रिकेट मैदानमा भएको फाइनल खेलमा सुदूरपश्चिम रोयल्सलाई पाँच विकेटले पराजित गर्दै च्याम्पियन बन्न सफल भयो।
जारी लिगमा जनकपुरले समूह चरणमा सात, प्लेअफमा दुई र एक फाइनल गरी १० खेल खेल्यो। समूहचरणमा दुई खेल हारेको जनकपुरले प्लेअफमा पनि एक खेल हारेको थियो। उपाधि भिडन्त भएकै सुदूरपश्चिमसँग एक समूहचरण र एक क्वालिफायर गरी दुई खेल हारेको थियो।
दुईपटक हार व्यहोरेको जनकपुर फाइनलमा सोही टिमसँग भिड्दा दबाबमा थियो। तर १८५ रनको विशाल लक्ष्य पछ्याएको जनकपुरले जुन सुरुवात गर्यो। त्यसले स्पष्ट देखायो कि उपाधि जितेरै जानेछ। अन्त्यमा १९ दशमलव २ ओभरमै पाँच विकेटको क्षतिमा लक्ष्य पछ्याउँदै उपाधि चुम्यो।
यस्तो छ जनकपुरको उपाधिसम्मको यात्रा
मंसिर १५ गतेदखि सुरु भएको खेलमा पहिलो खेल नै जनकपुर र विराटनगर किङ्सबीच थियो। पहिलो खेलमा ८ विकेटको सानदार जित निकाल्दै जनकपुरले उत्कृष्ट सुरुवात गरेको थिए। समूहचरणमा लगातार सुरुवाती चार खेल जित्ने टोली नै जनकपुर थियो।
दोस्रो खेलमा कर्णाली याक्सलाई पनि आठ विकेटले पराजित गरेको थियो। तेस्रो खेलमा पोखरा एभेन्जर्समाथि सात विकेटको जित निकाल्यो भने चौथो खेल लुम्बिनी लायन्ससँग भने टफ रह्यो। जहाँ एक रनले मात्र जित्यो।
यस्तै पाँचौं खेल भने फराकिलो हार व्यहोर्यो। जहाँ सुदूरपश्चिमसँग ७२ रनको फराकिलो हार चाख्यो। छटौं खेलमा भने काठमाडौं गुर्खाजमाथि पाँच विकेटको जित निकाल्यो। समूहचरणको अन्तिम खेल भने चितवन राइनोजसँग ३२ रनले पराजित हुँदै अंकतालिकामा दोस्रो रहँदै क्वालिफायरमा पुग्यो।
पहिलो क्वालिफायर फेरि समूहचरणमा हार व्यहोरेको सुदूरपश्चिमसँगै भयो। जहाँ जनकपुर ८ विकेटले पराजित भयो। दोस्रो क्वालिफायर प्लेअफमा चितवनलाई हराउँदै आएको कर्णाली याक्ससँग भयो। जुन प्रतिपस्पर्धात्मक रह्यो। र अन्तिम ओभरमा लक्ष्य पूरा गर्दै २ विकेटले मात्र जित निकाल्यो।
र फाइनल प्रवेश गर्यो। फाइनल यसअघि दुईपटक हार व्यहोरेको सुदूरपश्चिमसँग रह्यो। पहिलो दुई भेटमा फराकिलो हारका कारण जनकपुर दबाबमा थियो। त्यसैमाथि १८५ रनको विशाल लक्ष्य। तर जवाफी ब्याटिङमा आएपछि ओपनर लाहिरु मिलान्था र आशिफ शेखको पाट्नरसिपका कारण सुदूरपश्चिमलाई हराउन सहयोग गर्यो।
मिलान्थाले आक्रामक सुरुवात गर्दै ८७ रनको महत्वपूर्ण योगदान दिए। उनको यो स्कोर नै जनकपुरका लागि जित निकाल्न महत्त्वपूर्ण रह्यो। र पहिलोपटक आयोजना भएको ऐतिहासिक प्रतियोगिताको उपाधि चुम्यो र कालापत्थरमा आफ्नो नाम लेखाउन सफल रह्यो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
