यू-१९ एसिया कपः टस जित्दै बंगलादेशले लियो फिल्डिङको निर्णय, खेल ११ ओभरमा झारियो

क्रिकेट

नेपाल लाइभ शुक्रबार, पुस ५, २०८१ १३:२५

काठमाडौं– मलेसियामा जारी यु–१९ वुमन्स एसिया कपको ‘सुपर–४’ अन्तर्गत नेपाल र बंगलादेशबीचको खेल केही बेरमा सुरु हुने भएको छ।

वर्षाका कारण प्रभावित भएको खेल वर्षा रोकिएसँगै टससमेत भएको छ। बंगलादेशले टस जित्दै पहिले फिल्डिश्र रोजेर नेपाललाई ब्याटिङको निम्तो दिएको छ।

बिहान ११ बजेर ४५ मिनेटमा सुरु हुनुपर्ने खेल वर्षाका कारण प्रभावित भएको थियो। मलेसियाको क्वालालम्पुरस्थित वायुमास ओभल क्रिकेट मैदानमा खेल सुरु हुन लागेको छ। ओभर घटाइएको छ। ढिलो गरी सुरु हुने भएकाले ११ ओभरमा खेल झारिएको छ।

नेपालका लागि यो खेल निकै नै महत्वपूर्ण छ। यो खेलमा जित निकालेमा नेपाल फाइलनमा प्रवेश गर्नेछ। पराजित भएमा वा रद्द भएमा बंगलादेश फाइलनमा पुग्नेछ।

सुपर–४ मा नेपालसहित भारत, बंगलादेश र श्रीलंका छन्। भारत ५ अंकसहित पहिलो, बंगलादेश ४ अंकसहित दोस्रो, समान ४ अंकसहित नेपाल तेस्रो र ३ अंकसहित श्रीलंका चौथो स्थान छ। पहिलो र दोस्रो स्थानमा रहने टोलीले फाइलन खेल्नेछन्।

सबै टोलीले एकएक खेल खेल्न बाकी छ। नेपालले बंगलादेश र भारतले श्रीलंकासँग खेल्नेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सगरमाथा संवादमा भारतीय प्रधानमन्त्री मोदी आउन नभ्याउने

‎सुर्खेतको वीरेन्द्रनगरमा गोली चल्यो

थाइल्यान्ड भ्रमण सकेर स्वदेश फर्किए प्रधानमन्त्री