एनपीएल – जनकपुरलाई सामान्य लक्ष्य - नेपाल लाइभ :: नेपाल लाइभ :: Nepal Live

क्रिकेट

एनपीएल – जनकपुरलाई सामान्य लक्ष्य

नेपाल लाइभ बिहीबार, पुस ४, २०८१ १४:१०

काठमाडौं– कुनै पनि ब्याटरले ठूलो इनिङ्स कर्णाली याक्सले नेपाल प्रिमियर लिग (एनपिएल) को फाइनल प्रवेश गर्न जनकपुर बोल्ट्सलाई ११९ रनको सामान्य लक्ष्य दिएको छ।

कीर्तिपुरस्थित त्रिवि क्रिकेट मैदानमा जनकपुरले टस जितेर कर्णालीलाई ब्याटिङको निम्तो दिएको थियो। निर्धारित २० ओभरमा ब्याटिङ गरेको कर्णालीले नौ विकेट गुमाउँदै ११८ रन बनाउन सक्यो।

कर्णालीका फिनिसर गुल्शनकुमार झाले २५ रन बनाए। २० बल खेलेका उनले एक चौका र दुई छक्का प्रहार गरे। यो नै कर्णालीका ब्याटरले बनाएको सर्वाधिक रन हो। उनीबाहेक ओपनर देव खनाल २४, विलियम बसिस्टो १४, जिशन मक्शूद युनिस ठकुरीले समान १२ र चाड्विक वाल्टन ११ ले बनाए। अन्य ब्याटरले दोहोरो अंक बनाउन सकेनन्।

जनकपुरका ललितनरायण राजवंशी, जिमी निसम र मोहम्मद मोहसिनले समान दुई विकेट लिए। हर्ष ठाकर र शेर मल्लले समान एक विकेट लिए।

यस खेलको विजेताले शनिबार उपाधिका लागि सुदूरपश्चिम रोयल्सको सामना गर्नेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

विद्यालय शिक्षा, निजामति ऐन र प्रहरी समायोजन विधेयक शीघ्र जारी गर्ने पक्षमा छौ : सभामुख घिमिरे

एनपीएल: कर्णालीलाई हराउँदै जनकपुर फाइनलमा

काश्मिरमा विद्रोहीसँग भारतीय सेनाको भिडन्त, पाँचको मृत्यु