काठमाडौं– रवि बोपाराको आक्रामक अर्धशतकका बावजुद सिद्धार्थ बैंक नेपाल प्रिमियर लिग अन्तर्गत प्ले अफ खेलमा चितवन राइनोज कर्णाली याक्ससँग पराजित भएको छ। कर्णाली याक्स २१ रनले विजयी भएको हो।
टस हारेर पहिले ब्याटिङ गरेको कर्णालीले दिएको १७६ रनको चुनौतीपू्र्ण लक्ष्य पछ्याउने क्रममा चितवन राइनोज निर्धारित २० ओभरमा ९ विकेट गुमाउँदै १५४ रनमा सीमित भयो।
जीतसँगै कर्णाली याक्स क्वालिफायरमा प्रवेश गरेको छ। अब कर्णालीले फाइनल प्रवेशका लागि सुदूरपश्चिम रोयल्स र जनकपुर बोल्ड्सबीच हुने पहिलो क्वालिफायरमा पराजित टोलीसँग भोलि खेल्नेछ।
चितवनका लागि रवि बोपाराले सर्वाधिक रन बनाए। अर्धशतकीय इनिङ्स खेल्दै ५३ रन जोडे। उनले मात्र ३५ तीन चौका र चार छक्का प्रहार गर्दै ५३ रन बनाएका हुन्।
यस्तै चितवनका कुशल मल्लले २१ रन जोड्दा वीपीन रावलले १८ ल्यूक बेन्केस्टिनले १६ रन बनाए। अन्य ब्याटरले दोहोरो अंकमा रन बनाउन सकेनन्।
बलिङतर्फ कर्णालीका जिसान मकसुदले तीन विकेट लिँदा सोमपाल कामी र नन्दन यादवले २/२ र वीपिन शर्माले एक विकेट लिए।
यसअघि पहिला ब्याटिङ गरेको कर्णालीले निर्धारित २० ओभरमा ६ विकेट गुमाउँदै १७५ रन बनाएको थियो। कर्णालीका लागि
जयकिसन कोल्सवाला र विलियम बोसिस्टोले अर्धशतक प्रहार गरेका थिए।
यता चान्डविक वाल्टन भने अर्धशतक बनाउनबाट चार रनले चुके। जसकिसन कोल्सवालाले अर्धशतक प्रहार गरे। ३५ बलमा अर्धशतक प्रहार गरेका उनले आउट हुनुअघि ५३ रन जोडे।
यस्तै जिसान मकसुदले एक चौका र एक छक्का प्रहार गर्दै १२ बलमा १४ रन जोडे। चान्डविक वाल्टन र विलियम बोसिस्टोको पाट्नरसिप कर्णालीका लागि ठूलो स्कोर खडा गर्न महत्वपूर्ण रह्यो। बोसिस्टोले पनि अर्धशतक प्रहार गरे। उनले ३७ बलमा अधशतक प्रहार गरेका हुन्। आउट हुनुअघि उनले ५२ रन जोडे। उनले तीन चौका र दुई छक्का प्रहार गरे।
यस्तै वाल्टनले पनि महत्वपूर्ण रन जोडे। उनले मात्र २३ बलमा चार चौका र तीन छक्का प्रहार गर्दै नटआउट ४६ रन जोडे। देव खनाल भने तीन रनमा आउट भए।
ओपनर रित गौतम गोल्डेन डकआउट हुँदा गुलशन झा पनि शून्य रनमै आउट भएका थिए।
यता बलिङतर्फ चितवनका लागि सोहेल तनवीरले २ विकेट लिँदा रवि बोपारा, कुशल मल्ल र सरद भेसवाकरले एक/एक विकेट लिए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
