एनपीएल: पोखरामाथिको रोमाञ्चक जितसँगै सुदूरपश्चिम रोयल्स प्लेअफमा

क्रिकेट

नेपाल लाइभ आइतबार, मंसिर ३०, २०८१ १६:३५

काठमाडौं– सुदूरपश्चिम रोयल्ट नेपाल प्रिमियर लिगको प्लेअफमा प्रवेश गरेको छ। रोमाञ्चक प्रतिस्पर्धामा पोखरा एभेन्जर्सलाई ५ रनले हराउँदै सुदूरपश्चिमले प्लेअफमा स्थान बनाएको हो।

सुदूरपश्चिमको जितमा न्यूजिल्यान्डका बलर स्कट कुगेलीन नायक बने। उनले पाँच विकेट लिएका छन्। आइतबार भएको खेलमा पोखरा एभेन्जर्सलाई ५ रनले पराजित गर्दै सुदूरपश्चिम प्लेअफमा पुगेको हो। सुदूरपश्चिमले दिएको एक सय ५४ रनको लक्ष्य पछ्याएको पोखराले १४८ रनमा समेटियो।

पोखराका आन्द्रेस गौसले सर्वाधिक ३६ रन जोडे। रायमन रिफरले ३३ र किरण थगुन्नाले ३२ रन बनाए। बलिङमा स्कट कुगेलेइन एक्लैले ५ विकेट लिए। हर्मित सिंहले ३ र सैब जफरले एक विकेट लिए।

त्यसअघि टीयु क्रीकेट मैदानमा टस हारेर पहिला ब्याटिङ गरेको सुदूरपश्चिमले निर्धारित २० ओभरमा ७ विकेट गुमाएर १५३ रन बनाएको थियो। सुदूरपश्चिमका आरिफ शेखले सर्वाधिक ४२ रन जोडे। बलिङमा पोखराका कप्तान कुशल भुर्तेलले सर्वाधिक २ विकेट लिए।

एक खेलअगावै प्लेफमा पुगेको सुदूरपश्चिमले सोमबार कर्णाली याक्ससँग खेल्नेछ। पोखराले भने २ खेलमा जित र ५ खेलमा हार बेहोर्दै प्रतियोगिता सकाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पूर्वराजालाई विश्वप्रकाशको चुनौती : चुनावबाट मत जितेर चाहेजस्तो व्यवस्था ल्याउनुहोस्

सेतो मछिन्द्रनाथको रथ जात्रा सुरु

आईपीएल : चेन्नईलाई २५ रनले हराउँदै दिल्लीको लगातार तेस्रो जित