काठमाडौं– जारी नेपाल प्रिमियर लिग (एनपीएल) मा आज पनि दुई खेल हुँदैछन् ।
सुदूरपश्चिम बाहेक बाँकी तीन टिमको लिग चरणमा आफ्नो अन्तिम खेल खेल्दैछन् ।
पहिलो खेल बिहान सवा नौ बजे काठमान्डु गुर्खाज र विराटनगर किङ्ग्सबीच हुने छ।
विराटनगर किङ्ग्स प्लेअफ होडबाट बाहिरिसकेको छ ,त्यसैले विराटनगरको लागि आजको खेल औपचारिकता मात्र हुनेछ ।
यता काठमान्डु गुर्खाज भने प्लेअफ होड कायम राख्न आजको खेल जित्नैपर्ने अवस्थामा खेल्नेछ । ६ खेलबाट ६ अंक जोडेर पाँचौ स्थानमा रहेको काठमान्डुले प्लेअफ पुग्न आफ्नो अन्तिम खेलमा विराटनगरलाई जितेर मात्र पुग्दैन आवश्यक अन्तरमा जित्नुपर्नेछ ।
प्लेअफ होडमा रहेका चार टिम मध्ये सबैभन्दा कठिन अवस्थामा छ काठमान्डु गुर्खाज । त्यसैले आज काठमान्डु फराकिलो जितको खोजीमा हुनेछ ।
काठमान्डुको शीर्ष चारमा रहेर प्लेअफ पुग्नका लागि सबैभन्दा रियालिस्टक चान्स भनेको विराटनगरलाई ठूलो अन्तरमा हराउने र कर्णाली पनि अन्तिम खेलमा सुदूरपश्चिमसँग ठूलो अन्तरमा हार्नुपर्नेछ । जसले गर्दा कर्णालीको नेटरनरेट घटोस् ।
त्यसैगरी दिउँसो सवा एक बजे हुने दोस्रो खेलमा पोखरा एभेन्जर्स र सुदूरपश्चिम रोयल्स भिड्नेछन् ।
पोखराको यो अन्तिम खेल हो, ६ खेल खेल्दा २ खेल मात्र जितेको पोखराले ४ खेल हारेको थियो। सुदूरपश्चिमको भने यो छैटौँ खेल हो । यो टोली चार खेलमा विजयी भएको छ ।
पोखरा एभेन्जर्स पनि प्लेअफ होडबाट बाहिरिसकेका छ ,त्यसैले पोखराको लागि पनि आजको खेल औपचारिकता मात्र हुनेछ ।
सुदूरपश्चिमका लागि आजको खेल शीर्ष दुईमा पुग्नका लागि महत्वपूर्ण हुनेछ । सुदूर र पोखरा एभेन्जर्सबीचको खेल दिउँसो १ बजे सुरु हुनेछ ।
सुदूरको अझै दुई खेल बाँकी रहेकोले आजको खेल हारेपनि अन्तिम खेल जितेमा शीर्ष दुईमा स्थान पक्का हुनेछ । सुदूरले अन्तिम खेल सोमबार कर्णाली याक्ससँग खेल्नेछ ।
यदि आजको पहिलो खेलमा काठमान्डु विराटनगरसँग हारेमा सुदूर दुई खेल बाँकी हुँदै प्लेअफमा पुग्नेछ ।
५ खेल खेलेको सुदूरपश्चिम ४ जित र १ हारसहित ८ अंक जोडेर दोस्रो स्थानमा छ । नेटरेनरेट धेरै राम्रो रहेकोले सुदूरको लागि थोरै अन्तरको हारले पनि असर गर्ने छैन । आजको खेल जितेमा सुदूरको शीर्ष दुईको यात्रा करिब पक्कापक्की हुनेछ । ७ खेल खेलिसकेको विराटनगर १० अंक जोडेर शीर्ष स्थानमा छ ।
आजको खेल र अन्तिम खेलमा कर्णालीसँग पराजित भएमा मात्र सुदूरपश्चिम शीर्ष दुईमा पर्नबाट बन्चित हुनेछ । यद्यपी दुवै खेलमा थोरै अन्तरको हारले पनि सुदूर शीर्ष चारमा रहेर प्लेअफ पुग्न सक्नेछ ।
पोखरा एभेन्जर्सका लागि पनि अन्तिम खेल प्रतिष्ठाको लागि मात्र हुनेछ । अन्तिम खेल जित्दै पोखरा सुखद रुपमा लिग सकाउन चाहन्छ ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743318385.png)
-1742289396-1743592964.jpg)
