कुशल र रवीको शतकीय साझेदारीसँगै जनकपुरलाई विशाल लक्ष्य

क्रिकेट

नेपाल लाइभ शनिबार, मंसिर २९, २०८१ १४:३८

काठमाडौं– चितवन राइनोजले नेपाल प्रिमियर लिग (एनपिएल) मा जनकपुर बोल्ड्सलाई १८१ रनको विशाल लक्ष्य दिएको छ।

कीर्तिपुरस्थित त्रिवि क्रिकेट मैदानमा टस जितेर पहिला ब्याटिङ थालेको चितवनले निर्धारित २० ओभरमा पाँच विकेट गुमाउँदै १८० रन बनाएको हो।

कप्तान कुशल मल्ल र रवी बोपारले शतकीय साझेदारीमा खेले।

चितवनका कुशलले सर्वाधिक ७२ रन बनाए। ४१ बल खेलेका उनले तीन चौका र सात छक्का प्रहार गरे। रवीले ४४ रनको योगदान दिए। यी दुई ब्याटरबीच चौथो विकेटका लागि ११३ रनको साझेदारी भएको थियो। कुशल १८.४ ओभरमा जिम्मी निसमको फुट टस बल प्रहार गर्ने धुनमा जनकपुरका कप्तान अनिलबाट क्याच आउट भए। रवी अन्तिम ओभरमा अनिलबाटै क्याच आउट भए।

बलिङमा जनकपुरका ललित राजवंशीले दुई, हर्ष थाकर, मोहम्मद मोहसिन र जिमी निशमले एकएक विकेट लिए ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जनताको पक्षमा लड्ने पार्टी माओवादी नै हो भनि जनताले मनमनै फैसला गरिसकेका छन् : प्रचण्ड

एनपीएल: जनकपुर पराजित , पोखरा र विराटनगर प्रतियोगिताबाट बाहिरियो

अस्थिर राजनीतिको असर अर्थतन्त्रमा देखिएको छः मन्त्री गुरुङ