एजेन्सी– पुष्पा २ को प्रिमियरका क्रममा एक महिलाको मृत्यु भएको घटनामा पक्राउ परेका तेलुगु सुपरस्टार अल्लु अर्जुनलाई भारतको हैदराबाद अदालतले १४ दिनका लागि न्यायिक हिरासतमा पठाएको छ।
शुक्रबार बिहान उनको घरबाट पक्राउ गरिएका अल्लुलाई दिउँसो ४ बजे अदालतमा हाजिर उपस्थित गराइएको थियो। अल्लुमाथि डिसेम्बर ४ मा हैदरावादको सन्ध्या थिएटरमा प्रहरीलाई पूर्वसूचना नदिई प्रिमियर समारोहमा सहभागी भएको आरोप छ। त्यसक्रममा भएको भीडमा भागदौड मच्चिंदा एक महिलाको मृत्यु भएको थियो भने थुप्रै घाइते भएका थिए।
यस घटनापछि प्रहरीले सन्ध्या थिएटरका सञ्चालक, अल्लु अर्जुन र उनको सुरक्षा टोलीविरुद्ध मुद्दा दर्ता गराएको थियो। यसैबीच, अभिनेता अल्लुले महिलाको मृत्युको मामिलामा दर्ता भएको एफआईआर खारेज गर्न उच्च अदालतमा अपील गरेका छन्।
अल्लु अर्जुन र उनको टोलीले पनि ती महिलाको मृत्युमा शोक व्यक्त गरेका थिए। अभिनेताले मृतकका परिवारप्रति समवेदना प्रकट गर्दै उनीहरुलाई भेटेका थिए। उनले २५ लाख रुपैयाँ सहयोग गर्ने वाचा पनि गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
